Drêng kố, lâp kong pơlê Dak Lak ai 78/151 cheăm thôn pơlê nếo, 5 cheăm thôn pơlê tơtêk, 1 tíu cheăng râ tơring (Ƀuôn Ma Thuột) pêi kêi đeăng hnoăng cheăng mơjiâng thôn pơlê nếo. Pơkâ pêi plah troh tâi hơnăm 2025, Dak Lak ai 100/151 cheăm, 4 tíu cheăng râ tơring châ plâh thôn pơlê nếo...

Vâ pêi kêi đeăng pơkâ pêi plah châ 100 cheăm thôn pơlê nếo a hơnăm 2025, Dak Lak pơtối mơdêk tâ mê nếo hlê plĕng, tơdroăng cheăng, hnoăng cheăng dêi khu râ kăn pơkuâ hnê ngăn cheăng Đảng, khu râ kăn pơkuâ mâu râ ƀă tá khu cheăng kal kí tung mơjiâng thôn pơlê nếo; mơdêk tơdroăng ki hôm tung tơdroăng tơ’noăng “Dak Lak tơdjuôm ivá mơjiâng thôn pơlê nếo” hneăng hơnăm 2021 – 2025; pơtối hriăn plĕng, séa ngăn, pêi kêi đeăng troăng hơlâ tŏng gum mơjiâng thôn pơlê nếo; teăm tơdrêng tah lôi pá puât, tơvâ tơvân, mơdêk tơdroăng pêi pro, châ tơƀrê tơdroăng pêi.