VOV4.Xơ Đăng - Cheăm Hòa Thuận, pơlê kong kơdrâm Buôn Ma Thuột, kong pơlê Dak Lak hiăng tơkŭm tơdah xo pơkâ cheăm châ mơnhên tối thôn pơlê nếo ki tơ-brê. Kố cho cheăm ki apoăng dêi kong pơlê Dak Lak ai ti mê. Kơ’nâi 7 hơnăm mơjiâng cheăm thôn pơlê nếo ki tơ-ƀrê, ngiâ méa cheăm Hoà Thuận pơtối tơ-ƀrê, tơmeăm khoăng châ ‘no liăn pro tơdâng tơ’mô, tơdroăng rêh ối dêi kuăn pơlê châ tơ-brê.

Kăn hnê ngăn cheăm Hoà Thuận xo pơkâ mơnhên cheăm thôn pơlê nếo ki tơ-brê

Hơnăm 2021, kơxô̆ liăn pêi lo riên rêm ngế dêi cheăm châ 48 rơtuh liăn. Kơxô̆ rơpŏng kơtiê pá xôp 1%. Tơdroăng cheăm Hòa Thuận cho cheăm ki apoăng dêi kong pơlê Dak Lak châ Kăn hnê ngăn Vi ƀan kong pơlê mơnhên cho cheăm thôn pơlê nếo tơ-ƀrê ôh ti xê to tơdroăng hâk tơngăm ki kân dêi Đảng bộ, mâu kăn ƀă kuăn pơlê tung cheăm mê ối cho môi tung mâu tơdroăng ki kal vâ pơlê kong kơdrâm pơtối po rơdâ pêi tơ-brê mâu tơdroăng mơjiâng mâu cheăm châ mơnhên tối thôn pơlê nếo, ki u ối cheăm thôn pơlê nếo tơ-brê dei pơlê kong kơdrâm tung mâu hơnăm pơtối.

Gương tơplôu ƀă tơbleăng