Êng: Koh kơ [ok thái pơkeăng Lê Dương Thùy Linh!

Ô [ok thái pơkeăng! {ok thái pơkeăng tối ăm ‘nâi ki xiâm ing lâi pro chiâng ai tơdroăng châi glôcôm [ă pơreăng kố gá rơ-iô ti lâi?

{ok thái pơkeăng Linh: Pơreăng châi glocom (pin tối châi ‘mêi tung hveăn mâ) kô klâ pro 2 khu cho glôcôm ki râ [ă glôcôm châi tiô rơnó. Ki hmâ hlo glôcôm pro thăm châi ‘mêi tung mâ [ă to ton ing mê gá kô pro chiâng ôh tá xáu hlo xua gá hding tât mâu kơxái hveăn mâ. Ki xiâm pro ai tơdroăng châi kố ngăn tiô kơ khu pơreăng mê ki xiâm pơrá phá la ki xiâm xuân xua ing tro tâ troăng ki vâ ‘no ‘nhêa mâ.

Têa mâ oh tá châ lo pá gong kô pro rế ‘mêi tung kơtôu kloăng mâ ki tung tá, drêng mê kô pro chiâng rong mâ, drêng hiăng rong châi mâ kô tâ ai môi tiah tuih krêa, drêng hiăng tro tiah mê mâ ngăn kô ôh tá xáu hlo. Ivá mâ vâ ngăn rơtâ tá xuân ôh tá chhâk hơngế.

Ivá mâ vâ ngăn rơtâ tá mê cho ‘nâi nhên kơlo ki hiăng ‘mêi tung mâ dêi pơreăng glôcôm. A mâu ngế ki châi mâ ton hơnăm kô hlo môi tiah plôm, tơkéa vâ tối ngế ki ‘mêi tung mâ bú chiâng ngăn tíu ki tơdế tê, rơtâ tá hmâ ngăn xuân oh tá xáu hlo mê drêng ngế ki mê prôk kô tro klâm rơtâ tá.

Êng: Ô [ok thái pơkeăng, tiah mê pơreăng kố xua ga ai tơdjâk pá gong hôm cho há?

{ok thái pơkeăng Linh: Châ khât gá pơreăng kố xua mâu kế tung mâ. Tơkéa vâ tối mơngế ki lâi ‘lo, vâi ai kế ki tơ’lêi tro pơreăng glôcôm vâ tối pơreăng ki pro châi mâu troăng hveăn tung  mâ.

La mâu hơnăm achê kố mâu ngế châi tung hveăn mâ xua kơto hên pơkeăng ki ai trếo Corticoid, tơkéa vâ tối mơngế ki châi mâ khêi hiăng lăm rôe xêh pơkeăng ki ai trếo corticoid vâ kơto dêi tung mâ, ton ing mê gá pro chiâng ai tơdroăng châi glôcôm cho châi ‘mêi trung troăng hveăn mâ.

Ai môi khu pơreăng glôcôm pro châi ‘mêi tung troăng hveăn mâ nếo mê cho châi xap ing tơx^n, ngế ki châi mê cho vâi ‘ne\ng, la kơxo# ki kố iâ. {ă mâu ngế châi râ dêi mâu ngế châi mâ tiô rơnó môi tiah kơtêi kơtâu  têi pơla rôh má 4 pro chiâng hding tât, ‘nâ pro chiâng nu\m nheăn tâk ó mê kô tât mâu tru\m ki vâ lo dêi têa mâ, kô pro chiâng châi tung troăng hveăn mâ, vâi hmâ tối tâk glôcôm tung troăng hveăn.

Êng: Ô [ok thái pơkeăng! Môi tiah lâi vâ kuăn pơlê hlê ple\ng nhên ‘na pơreăng glôcôm?

{ok thái pơkeăng Linh: Glôcôm cho môi túa pơreăng pro châi tiô rơnó, gá môi tiah kơtêi kơtâu têi. Drêng châ ‘nâi tro châi tơdroăng kố ngế ki mê thế pơtê plâ rơxông hlối, pôi tá ôu xếo pơkeăng, mê cho pơkeăng kơdroh châi kơtôu mâ. Ngế ki châi mê lăm khăm a hngêi pơkeăng kơvâ pơlât mâ, châ mâu [ok thái pơkeăng ăm ôu pơkeăng kơdroh châi kơtôu mâ [ă rêm hdroh klêi kơ’nâi 1 khế lăm khăm, séa ngăn kơtôu mâ môi hdroh.

Ai hên ngế, malối cho mơngế ki ối hơngế hơngo, drêng hiăng kơdroh châi kơtôu mâ vâi kô tâ phuâng oh tá môi tiah krêi, ‘nâ hía vâi ôh tá vâ pơtối ôu pơkeăng pơlât, ta troh tơdế hơnăm kơ’nâi lơ môi hơnăm vâi nếo pơxiâm lăm khăm, drêng mê mâ hiăng châi tung troăng hveăn, thăm rế châi ó nếo. Ki kuăn pơlê hlê ple\ng ‘na pơreăng glôcôm châi tung troăng hveăn mâ hâi teăm hên. Mơngế ki châi xuân ôh ti ‘nâi hên ‘na ki rơ-iô dêi pơreăng kố.

Êng: Kố cho pơreăng ki rơ-iô la hâi ai pơkeăng pơlât prêi. Tiah mê hbrâ mơdât pơreăng ki tiah lâi vâ ví châi tung troăng hveăn mâ xua ing pơreăng kố pro ô [ok thái pơkeăng?

{ok thái pơkeăng Linh: Pơreăng glôcôm hmâ hlo tâ tú tiô mơheăm tung rơpo\ng hngêi ki hdrối tâ, tâng tung rơpo\ng hngêi ai ngế tro pơreăng glôcôm mê mâu ki ê thế lăm khăm mâ. Má péa nếo, mâu ngế ki hiăng luâ 40 hơnăm thế lăm khăm dêi mâ tiô rơnó môi hơnăm khăm môi hdroh.

Hmâ hlo a rơnó hngiú kơxo# mơngế tro pơreăng glôcôm tâk hên, malối cho glôcôm châi mâ xua ing po mâ. Xua drêng kong hngiú kô tơdjâk troh troăng mơheăm. Mê ngin hnê tối a pơla mê drêng tâ dêi mâ hiăng châi i iâ, hngăm tung mâ, hnối châi ko thế lăm khăm hlối.

Mơnê [ok thái pơkeăng Lê Dương Thuỳ Linh ‘na mâu tơdroăng ki [ok thái pơkeăng nếo hnê tối mê âi.

Gương prếi A Sa Ly tơplôu [ă tơbleăng