VOV4.Sêdang - Tơring Dam Rông, kong pơlê Lâm Đồng cho môi tung 62 tơring kơtiê châ xúa ing tơdroăng 30a dêi Chin phuh. Lâp tơring ai 35 to thôn, pơlê ki malối xahpá. Kố xuân cho tơring ki ai hdroâng mơngế kuăn ngo hên má môi a kong pơlê Lâm Đồng, ai lối 8.00 rơpo\ng, châ vâ chê 75%. Pêi pro tiô troăng hơlâ kơjo kum dêi tơnêi têa, tung mâu hơnăm hdrối mê hía nah, kơxo# rơpo\ng kơtiê akố hiăng chía kơdroh hên, tơdroăng rêh ối dêi kuăn pơlê hiăng hơ’leh [ă châ mơnhông.

Pôa Triết Y Biêng ối a thôn Păng Pế Dơng, cheăm Dà Rsal, tơring Dam Rông, kong pơlê Lâm Đồng châ ngăn cho môi ngế ki hiăng hlo nhên tơdroăng ki hơ’leh nếo a kơpong kong ngo Dam Rông, tíu ki tơdjêp pơla 2 kong pơlê Lâm Đồng [ă Dak Lak. Hơnăm kố hiăng châ lối 75 hơnăm, la pôa xuân ối chôu vế mâu hâi ki pá puât má môi a kơpong tơnêi ki kố. Ing môi ngế kăn [o# pêi cheăng ‘na chiâ xo hmốu kơchâ, pôa châ lăm hriâm, klêi mê, pêi pro hên mâu tơdroăng cheăng ki pơrá phá dêi pó tung hnoăng cheăng pơkuâ ngăn tơring troh a pơlê cheăm.

Ki rơhêng vâ tối, klêi kơ’nâi pro Kăn hnê ngăn Vi [an Măt tra#n tơring Lâm Hà, pôa châ pro Kăn pơkuâ hnê ngăn Đảng ủy cheăm Roh Men, nôkố cho cheăm Dà Rsal, tơring Dam Rông. Drêng vêh pơtê, [ă ivá cheăng [ă tơdroăng ki châ kuăn pơlê loi tơngah, pôa Triết Y Biêng hiăng châ vâi krâ-nho\ng o a thôn Păng Pế Dơng pro krâ pơlê.

“Hdrối nah, cheăm Roh Men kố kơtiê ó khât. Drêng tá hâi teăm ai troăng prôk, môi pơ’leăng po xuân athế tơkâ luâ troăng kong ki xo\n pá puât nếo troh a Lâm Hà, Lạc Dương. Kơ’nâi mê, Đảng, Tơnêi têa hiăng to\ng kum po troăng prôk 27. Kơnôm ai nho\ng o Xuăn rêh ối tơvât mê vâi krâ-nho\ng o khoh châ hriâm mâu tơdroăng ki rơkê tung rêh kâ ối, môi tiah tơdroăng rak ngăn loăng kơphế, păn loăng yâu păn hdrong vế prế, pêt alâi ki ai châ, kuăn ‘ne\ng châ hriâm mâu tơdroăng ki rơkê nếo.

Đảng, Tơnêi têa hiăng po mơjiâng mâu hngêi trung hriâm a pơlê châ tơ’lêi hlâu, malối mơngế nôu tung rơpo\ng hngêi hnê mơhnhôk dêi kuăn ‘ne\ng kơdo mơ-eăm hriâm. Đảng, Tơnêi têa ối achê [ă kuăn pơlê, hlê ple\ng kuăn pơlê, tâi tâng kum ăm kuăn pơlê. Rêm tơdroăng pơkâ, troăng hơlâ dêi Đảng, túa luât dêi tơnêi têa hiăng châ pêi pro nhên môi tiah pro mâu troăng prôk, hngêi trung, hngêi pơkeăng. Nôkố, drêng hlo tơdroăng rêh ối dêi kuăn pơlê hiăng hơ’leh, cho ngế krâ pơlê, á hâk phiu ó khât, sôk ro [ă môi hiâm mơno tiô troăng hơlâ dêi Đảng, Tơnêi têa”.

Mâu hngêi trăng, troăng klông a Dam Rông

Hngêi trăng ki pro [ă tâl dêi rơpo\ng pôa Triết Y Biêng a tơdế kơtúa hlá cơ tơnêi têa, um pôa Hồ Chí Minh [ă mâu hlá mơ-éa kơdeăn khe\n drêng pôa dế pêi cheăng nah. Mâu um ki mê cho vâ hnê mơhnhôk tơná pôa [ă kuăn cháu đi đo rak vế tiô troăng hơlâ [ă kơdo mơ-eăm.

Ing tơring Lâm Hà mot tung cheăm Liêng Srônh, tơring Dam Rông mơjiâng tơdroăng rêh ối, pôa Cil Ha Kròng hiăng chiâng ngế kuăn pơlê pêi chiâk deăng rơkê tung kơpong dêi hdroâng kuăn ngo. Pak^ng mê, rơpo\ng pôa ối pêt tơvât loăng plâi sầu riêng, [ơ [ă păn kơpôu, ro, chu, í. Tâi tâng kơxo# liăn ki pôa Cil Ha Kròng pêi lo rêm hơnăm châ vâ chê 1 rơtal liăn. Tối ‘na tơdroăng ki rơkê dêi tơná, pôa Cil Ha Kròng tối tiah kố, kơnôm châ hriâm tơdroăng ki “Kơhnâ-Kơd^ng” ing Pôa Hồ, tơkéa vâ tối rế kơhnâ tung pêi cheăng ki rơkê, rế ‘nâi kơd^ng liăn ngân [ă mơ’no liăn hrê tro tơdroăng.

Vêh mơnhên ‘na tơdroăng mê, hơnăm 2020 hdrối nah, pôa Cil Ha Kròng hâk tơngăm châ Kăn hnê ngăn Vi [an kong pơlê Lâm Đồng diâp {âng kơde\n khe\n xua hiăng ai hnoăng rơkê tung tơdroăng rak vế tiô tơdroăng pơkâ 05 dêi Khu xiâm ngăn ‘na cheăng kal kí ‘na tơdroăng “Thăm mơdêk hriâm tâp [ă  pêi pro tiô tuăn mơno, túa rêh, túa cheăng dêi Hồ Chí Minh” pơla sap hơnăm 2016-2020.

“Á hâk tơngăm ‘nâng drêng châ pôk inâi ki kố, la xuân hlo tô tuăn há xua tơná á tá hâi tơxâng tơlâi ôh. Á kơdo mơ-eăm luâ tâ kơ mê nếo tung tơdroăng rêh ối, pêi cheăng la ngiâ kố ah. Á pói rơhêng vâ tâi tâng kuăn pơlê Việt Nam pin, xuân môi tiah mâu hdroâng kuăn ngo nho\ng o a kong pơlê Lâm Đồng kố rêh ối tiô troăng tơdjâ dêi Pôa Hồ, tơru\m môi tuăn.

Tơbâ troh hnoăng cheăng dêi Pôa Hồ, pin athế tơru\m môi hiâm tuăn môi tiah rơkong hnê tối dêi Pôa Hồ, mê cho: “Kuăn pơlê Xuăn lơ Thổ, Mương lơ Mán, Jarai lơ Rơđế, Rơteăng lơ Bơhnéa [ă mâu hdroâng kuăn ngo ki ê xuân cho nho\ng o môi klêa môi kliâm”.

Túa păn hdrong vế prế a tơring Dam Rông hiăng châ po rơdâ tung pơlê

Dam Rông, kong pơlê Lâm Đồng cho môi tung 62 tơring kơtiê châ xúa ing Tơdroăng 30a dêi Chin phuh. Klêi kơ’nâi lối 10 hơnăm pơkâ pêi pro tơdroăng 30a dêi Chin phuh, tơdroăng cheăng kơdroh kơtiê dêi tơring hiăng chía châ hơ’leh. Sap ing hơnăm 2009 troh 2020, tơring châ kong pơlê veăng kum vâ chê 420 rơtal liăn vâ mơjiâng hngêi trăng, troăng klông. Kơnôm tiah mê, mâu troăng prôk thôn pơlê, troh a cheăm, troh a tơring, troh a kong pơlê hiăng châ tôh kơxu [ă [ê tong tâi tâng, 8 to cheăm pơrá hiăng ai troăng kơxu chí le\m.

Pak^ng mê, mâu grup, ko\ng ti, khu mơdró ối veăng kum vâ chê 160 rơtal liăn vâ mơjiâng mâu hngêi pêi cheăng, troăng prôk. Tơdrêng [ă tơdroăng mê, kơnôm ing kơxo# liăn ki ê, mâu hơnăm hdrối mê hía nah, tơring Dam Rong, kong pơlê Lâm Đồng ối veăng kum 717 toăng hngêi ối ăm rơpo\ng kơtiê tâi tâng kơxo# liăn to\ng kum vâ chê 16 rơtal liăn.

Tơdroăng ki mơhno nhên tung pơla hdrối kố nah, tơring hiăng châ chiâng pêi pro tơdroăng cheăng ki nếo, thăm mơdêk hnoăng cheăng kơdroh kơtiê krá tơniăn. Tơring hiăng veăng kum ăm rơpo\ng kơtiê, rơpo\ng hdroâng kuăn ngo vâ mơdêk pêi chiâk pêi deăng, pêi pêt kế tơmeăm, păn mơnăn mơnôa, pơtối po hên túa cheăng ki vâ kơdroh kơklêa kơtiê xahpá, tâi tâng kơxo# liăn ki to\ng kum mê vâ chê 7 rơtal liăn, tung mê ai: 2 túa ki pêi klâng chiâk ki kân rơdâ a cheăm Dà Mrong, 2 túa cheăng pêt kơxêt tâng lâr [ă 27 túa păn pú pái hdrê Bách Thảo, rơtế [ă tơdroăng pêt plâi [o\ng kơtôu ngiât, pêt loăng yâu păn hdrong, pêt [ă pơklêp tơkâng loăng kơphế, loăng plâi sâu riêng, pêt tơvât mâu loăng plâi mắc-ca a 365 rơpo\ng, mâu túa cheăng ki kố pơrá hiăng pro pơxúa ăm cheăng kâ dêi kuăn pơlê. Tâng a hơnăm 2016, kơxo# rơpo\ng kotiê a tơring Dam Rông ai lối 37% mê nôkố bu ối pá kơdâm 12%.

Lơ Mu K’Yến chêh

Nhat Lisa tơplôu [ă tơbleăng