VOV4.Sêdang - Khu xiâm ngăn ‘na chiâk ƀă mơnhông thôn pơlê nếo pơkâ inâi mâu hlá mơ-eá pro tung tơdroăng ‘na pêi chiâk deăng ƀă mơnhông thôn pơlê. Ing mê, inâi mâu hlá mơ-éa pro cho rak ngăn dêi Khu xiâm ngăn pêi chiâk deăng ƀă mơnhông thôn pơlê ai 326 tuá hlá mơ-eá pro.  Mê cho tơdroăng pro hlá mơ-eá râ xiâm tơnêi têa ai 226 tuá pro, râ kong pơlê ai 106 túa pro; râ tơring ai 15 túa hlá mơ-éa bro; râ cheăng ai 11 túa hlá mơ-éa bro ƀă kơ koan ki ê ai 4 túa hlá mơ-éa bro.

Mâu hlá mơ-éa ki pro châ chêh a Cổng thông tin Môi bo péa dêi tơnêi têa môi tiah: Séa ngăn tơnêi têa ‘na ki hôm tơ-brê phon ki pro, rôe ing kong têa ê; hlá mơ-eá ăm phêp mơnhên rôe phon; hlá mơ-éa mơnhên séa ngăn hôm ai pơkeăng a mâu tơmeăm ki rôe, séa ngăn tơnêi têa ‘na hôm tơniăn kế kâ ki pro xiâm ing mâu kơchâi, plâi ki rôe ing kong têa ê; chêh inâi séa ngăn mơnhên hôm krúa lĕm mâu mơnăn chĕm mơnăn ki rôe ing kong têa ê ƀă hên ki ê.

Tiô Khu xiâm ngăn ‘na chiâk deăng ƀă mơnhông thôn pơlê, tung la ngiâ kô séa ngăn kơtăng tơdroăng pơkâ ‘na pro hlá mơ-eá ki tơnêi têa rak ngăn dêi Khu xiâm. Pakĭng mê, tơbleăng teăm tơdrêng túa pro hlá mơ-éa ki kal dêi tơdroăng rak ngăn dêi Khu xiâm ing kơ’măi chêh ‘măn mâu tơdroăng dêi tơnêi têa ‘na túa pro hlá mơ-eá.

Gương tơplôu ƀă tơbleăng