VOV4.Sêdang - Kơxo lơ 1/4, tơdroăng ki tơdâng pơla kơdrâi ƀă kơnốu, Khu xiâm ngăn cheăng pêi mố đô̆i rong ƀă rêh ối pơlê pơla ƀă Kơ koan, khu tơrŭm tŏng kum vâi kơdrâi ƀă vâi hdrêng ki tro xiăn pâm, ‘nêk mơ’nêa lâp tơnêi têa. Châ mơjiâng ƀă pêi klêi tung 6 khế. Inâi tơkŭm mâu tíu dêi mâu kơ koan, khu tơrŭm tŏng kum vâi kơdrâi ƀă vâi hdrêng ki tro xiăn pâm ƀă ‘nêk mơ’nêa a 63 to kong pơlê, pơlê kong kân tung mê tá tơnêi têa.

Mâu tơdroăng ki tŏng kum dêi mâu kơ koan, khu tơrŭm tung kơxop hlá mơ-éa chêh inâi châ tơkŭm ngăn tung tơdroăng tơdjuôm lâp plâi tơnêi ‘na tơdroăng tŏng kum mâu kế tơmeăm xúa ki kal ăm mâu ngế ki tro xiăn pâm pơla khu kơdrâi ƀă kơnốu xua Khu lâp kong têa ƀă Khu xiâm ngăn cheăng pêi mố đô̆i tro ƀă rêh ối pơlê pơla pêi pro.

Tiô séa ngăn tơnêi têa ‘na xiăn pâm a vâi kơdrâi a Việt Nam hơnăm 2019, hmâ 3 ngế vâi kơdrâi mê ai vâ chê 2 ngế kơdrâi tro môi tơdroăng ki xiăn pâm ‘na châ, ‘na tơdroăng ki pro pơlăm pơlói, pro ‘mêi ‘na hiâm mơno, cheăng kâ, lơ séa ngăn tơdroăng pêi pro xua kơnốu, ngế ki vâi hmâ mê pro. Laga, ki hên vâi kơdrâi 90,4% tro xiăn pâm ôh ti xê tí tăng to tơdroăng ki tŏng kum sap ing kơ koan tŏng kum kế tơmeăm tơnêi têa.

Nga tơplôu ƀă tơbleăng