VOV4.Sêdang - A Hà Nội, Tiêuh ban Gâk kring, tơniăn tâ phĭu pôk kăn Kuô̆k hô̆i hneăng má 15 ƀă kăn Hô̆i đong hnê ngăn kuăn pơlê rêm râ, hơnăm 2021 – 2026 tơkŭm po Rôh hôp má 3 vâ séa ngăn, mơnhên tối tâi tâng hnoăng cheăng hiăng tơbleăng ƀă môi tuăn túa pơkâ, hnoăng cheăng ki kal tung la ngiâ. Trung tươ̆ng Lương Tam Quang, kăn xiâm phŏ ngăn Kŏng an, kăn xiâm tiêuh ban pơkuâ po rôh hôp. Tiô tối tơbleăng dêi Tiêuh ban, troh nôkố, hnoăng cheăng hbrâ rơnáu rak tơniăn gâk kring rôh tâ phĭu pôk kăn Kuô̆k hô̆i hneăng má 15 ƀă Hô̆i đong hnê ngăn kuăn pơlê rêm râ, hơnăm 2021 – 2026 hiăng pêi pro châ tơdroăng ki pơkâ mơ’no. A rôh hôp, mâu kăn xuân hiăng tơkŭm pêi pro nhên mâu tơdroăng ki xơpá, tơvâ tơvân ƀă tơpui môi tuăn ƀă tơdroăng ki ai khât; khŏm mơeăm rak tơniăn gâk kring tung lâp tơnêi têa, pro ivá ki rơdêi vâ rôh tâ phĭu châ tiô pơkâ mơ’no.

Katarina Nga tơplôu ƀă tơpleăng