VOV4.Sêdang - A tíu pêi cheăng xiâm Đảng, pôa Nguyễn Phú Trọng, kăn xiâm pơkuâ hnê ngăn Đảng hiăng pơkuâ lêh tơbleăng pơkâ dêi khu xiâm kal kí xĭng xoăng hnoăng cheăng ăm Ngế pơkuâ Tơkŭm cheăng xiâm tơnêi têa ƀă Ngế pơkuâ hnê mơhnhôk cheăng xiâm tơnêi têa. Ing mê, Khu xiâm kal kí xĭng xoăng hnoăng cheăng ăm jâ Trương Thị Mai, Ngế cheăng tung tíu xiâm kal kí xo pêi hnoăng cheăng pro Ngế pơkuâ cheăng xiâm tơnêi têa; ăm jâ Bùi Thị Minh Hoài, Kăn hnê ngăn Đảng, pro ngế pơkuâ hnê mơhnhôk cheăng xiâm tơnêi têa.

Pôa Nguyễn Phú Trọng, Kăn xiâm pơkuâ hnê ngăn rơkâu jâ Trương Thị Mai

Pôa Nguyễn Phú Trọng hiăng pơcháu pơkâ ƀă ăm reăng rơkâu 2 ngế, jâ Trương Thị Mai prế jâ Bùi Thị Minh Hoài xo pêi hnoăng cheăng ki kal dêi Đảng. Teăng mâ mâu kăn xo pêi hnoăng cheăng, jâ Trương Thị Mai, Ngế cheăng tung tíu xiâm kal kí, Ngế pơkuâ tơrŭm cheăng xiâm tơnêi têa tối, mơnê kơ pôa Nguyễn Phú Trọng, mơnê kơ Khu xiâm kal kí, khu kăn Đảng hiăng loi nhoăm pơcháu hnoăng cheăng ki kal dêi Đảng ăm mâu ngế ki xo pêi hnoăng cheăng tung hneăng ki nếo.

Gương tơplôu [ă tơbleăng