VOV4.Sêdang - Tơbleăng tơdroăng “Hơnăm ối nếo tơdjuôm ivá mơjiâng thôn pơlê nếo”, a Hà Nội, Tíu xiâm Đoân droh rơtăm Kŏng san Hồ Chí Minh tơkŭm po tơbleăng rôh tơ’noăng “Tơkêa pơxiâm vâ pêi cheăng rơkê plĕng droh rơtăm mơjiâng thôn pơlê nếo hơnăm 2021”. Rôh tơ’noăng kố cho mơhnhôk, pơkâ troăng ƀă mơjiâng hiâm mơno pơxiâm vâ pêi cheăng, veăng mơnhông mơdêk cheăng kâ rêh ối kơpong thôn pơlê dêi droh rơtăm.

Rôh tơ’noăng tí tăng mâu tơdroăng tơkêa a 3 kơvâ cheăng mê cho: Mơnhông pêi chiâk deăng xúa khoa hok kih thuât hŏng tơdroăng ki pêt, păn mơnăn, ká xi xŏng, pêt kong, cheăng ƀă kơmăi kơmok rak ngăn, uâ pơliê; mâu tơdroăng tơkêa ki tơmiât xúa khoa hok kih thuât  tung pêi chiâk deăng, rak vế kong prâi, tơnêi tíu ƀă xúa kong kế ki chiâng xêh a kong pơlê; rak vế khôi túa lĕm tro mâu hdroâng kuăn ngo ing tơdroăng ki mơnhông mơdêk tơdroăng cheăng, kế tơmeăm khôi hmâ, pêi pro tơdroăng ki ôm hyô pơlê pơla. Tiô tối hdrối rôh mơgêi kô tơkŭm a khế 11 hơnăm kố ah a Lâm Đồng.

Katarina Nga tơplôu ƀă tơbleăng