VOV4.Sêdang - Kơxêi lơ 26/4, Khu xiâm ngăn cheăng pêi - Mố đô̆i tro rong ƀă Rêh ối pơlê pơla tơrŭm  Khu chêh tôm xo rơkong dêi ASEAN, tơdroăng tơrŭm cheăng kơpong ASEAN tung hnê cheăng pêi tơkŭm po tơbleăng “Tơbleăng tí tăng ‘nâi plĕng kơpong ‘na tơdroăng hbrâ vâ mơdêk hên mơngế pêi cheăng rơkê tung ASEAN tiô tơdroăng tơbleăng mơ’no tơdrêng tung um tơvi.

Hneăng hôp veăng ai Khu chêh tôm xo rơkong ASEAN, mâu ngế xiâm pơkuâ tơdroăng cheăng, hnê hriâm ƀă ngăn ‘na cheăng kâ dêi mâu kong têa tung khu ASEAN, teăng mâ mâu kơ koan ki rơkê dêi kơvâ cheăng ASEAN ƀă mâu khu tơrŭm cheăng lâp plâi tơnêi ki tơdjâk troh. Kố cho tơdroăng cheăng vâ mơdêk pêi tơ-ƀrê tung tơbleăng ASEAN ‘na Mơnhông mơdêk mơngế pêi cheăng rơkê ăm lâp plâi tơnêi tơdroăng cheăng dế hơ’leh. Tơbleăng mê tối troăng hơlâ vâ mơdêk tung pơla hriâm plâ rơxông rơtế ƀă tuăn ngôa rơkê vâ hriâm cheăng ăm pơxúa tung la ngiâ.

Ing mê, tối mâu tơdroăng pêi pro a râ kơpong ƀă lâp plâi tơnêi vâ mơnhông tơdroăng pơkâ ki xiâm ‘na mơdêk hên mơngế pêi cheăng rơkê ăm lâp plâi tơnêi drêng tơdroăng cheăng pêi dế hơ’leh.

Gương tơplôu ƀă tơbleăng