VOV4.Sêdang - Kơxo lơ 2/4, Khu hok tro sinh viên Việt Nam pơlê kong kân Cần Thơ tơkŭm po tơbleăng Tíu xiâm kơjo kum Hok tro - sinh viên. A Hngêi kân kơxô̆ 776, troăng lơ 30/4, bêng Hưng Lợi, pơlê krâm Ninh Kiều, pơlê kong kân Cần Thơ, Tíu xiâm kô kơjo kum hok tro sinh viên trâm mâ hriâm tâp dêi rơpó, tí tăng ‘nâi plĕng ‘na khoa hok, tí tăng ‘nâi plĕng mâu tơdroăng xiâm tung tơnêi têa ƀă kong têa ê vâ kơjo kum ăm hok tro sinh viên.

Klêi mê, tối mơnhên ‘na tơdroăng hnê tối tơbleăng cheăng pêi,  tăng mơngế pêi cheăng ki rơkê ăm kŏng ti, khu mơdró; hnê tối ‘na lăm hriâm a kong têa ê; tơkŭm cheăng kơjo kum ƀă mơnhông mơdêk rêh ối pơlê pơla tơrŭm cheăng kâ ƀă lâp plâi tơnêi; hnê ‘na tơdroăng rêh ối ăm mâu hok tro - sinh viên; mâu tơdroăng hnê hriâm tơdroăng ki lĕm tro ton nah, hnê ‘na rêh ối lĕm...

A rôh leh tơbleăng, Tíu xiâm xuân hiăng kĭ  ƀă kơjo kum tơdroăng cheăng pêi ing mâu khu mơdró, kŏng ti mê ai 4 ngế pleăng hnoăng cheăng lâp plâi tơnêi kơnâ 8 rơpâu dollars ƀă 200 acconunt hriâm nâl Ănglê ing App kơnâ 40 rơtuh liăn ƀă hiá hé.

Gương tơplôu ƀă tơbleăng