VOV4.Sêdang - Kơxêt cho kế kâ ki ai hên trếo kơhiâm mê châ hên ngế vâ pro kơchâi kâ. La pá k^ng mê hên túa kơxêt chiâng kâ, xuân ai kơxêt kôk ki ôh tá chiâng kâ, tâng kâ kô tro hơ-ou, tâng ôh tá teăm pơlât tơdrêng kô hlâ mơngế. Rơnó mêi xuân cho rôh mâu kơxêt huăn hên, xua mê, kuăn pơlê hmâ hnêi kâ kơxêt kong kô tơ’lêi tro hơ-ou.

Apoăng khế 6 kố nah, ngoh Y Hung Niê, 21 hơnăm, ối a [uôn Kuôp, cheăm Drai Sáp, tơring Krông Ana [ă 6 ngế nho\ng o tung rơpo\ng hngêi hiăng pơlât tơdrêng a hngêi pơkeăng kân kong pơlê Daklak xua tro hơ-ou kâ kơxêt kôk. A pơla chôu ki mê, kơbong pơlât hiăng po châ [ă tah trếo ‘mêi hiăng tối, ai 2 ngế châi kơkốu ki hiăng râ tung 7 ngế ki mot pơlât. Klêi xúa kơmăi pơlât tơdrêng, tah trếo ‘mêi, mâu ki mê hiăng tơkâ hluâ tơdroăng ki rơ-iô [ă ivá chôa xông mo iâ. Hdrối mê, ngoh Y Hung Niê mot tung kong hnêi kơxêt, klêi mê rơtế [ă vâi nho\ng o tung rơpo\ng hngêi djâ pế tơvât [ă xup kơxo\ng khăng klêi mê kâ. Klêi kâ lối môi chôu, tu\m 7 ngế ki kâ mê tâ rơlâi, châi klêa, lo hêa. Ngoh Y Hung ăm ‘nâi: Hdrối nah, ngin hmâ hnêi kâ kơxêt kong djâ a hngêi pế kâ. A ôh tá ‘nâi kơnó ki lâi kơxêt kôk [ă ki lâi kơxêt le\m chiâng kâ. Nôkố a hiăng xâo yôh, ôh tá khên hnêi kâ xếo.

Kơxêt kôk ai trếo ‘mêi. Gá phá tâ kơxêt ki le\m ai trếo kơhiâm ki hmâ pế kâ, kơxêt kôk tâng kâ gá kô pro ‘mêi tro hơ-ou, tơdjâk ‘mêi troh ivá. Tâng ôh tá re\ng teăm ‘nâi pơlât tơdrêng kô pro ‘mêi troh kliâm, kơ kốu, pro ‘mêi tung mơheăm, châi ‘mêi tung klêa kliâm [ă kô pro hlâ mơngế.

{ok thái pơkeăng Trịnh Hồng Nhựt, kăn ngăn kơvâ pơlât kơbong pro mo ivá, dêi hngêi pơkeăng kân kong pơlê Daklak ăm ‘nâi: Tung mâu hơnăm hiăng hluâ xuân môi tiah sap ing apoăng hơnăm troh nôkố, kơbong pơlât ngin hmâ tơdah xo pơlât mâu ki tro hơ-ou kâ kơxêt, mâu ki tro hơ-ou mê to mâu ki ôh tá ‘nâi ple\ng, tá ‘nâi kơnó ki lâi kơxêt le\m chiâng kâ, ki lâi cho kơxêt kôk. Ôh tá xê to a hngêi pơkeăng kân kong pơlê Daklak tê pơlât, mê ối ai tá mâu hngêi pơkeăng ki kân hbrâ mơdât tro hơ-ou kế kâ xuân tối hên mơngế tro hơ-ou kâ kơxêt kôk, hlo vâi ai tơdroăng châi tung klêa kliâm [ă hên ngế kố hlâ.

Ăm ‘nâi drêng hiăng tro hơ-ou kâ kơxêt klêi kâ dâng 1 chôu, tung châ mơngế tâ hêng hêa, lo hêa, châi klêa, châi klêa pơyâng lo têa ki kâ hnối pro vung vế mâ, pôu pr^ng ko. Vâ hbrâ mơdât tro hơ-ou kâ kơxêt kôk, [ok thái pơkeăng Trịnh Hồng Nhựt hnê tối ăm kuăn pơlê thế hbrâ tơnáu xêh, thế ’nâi kơnó kơxêt kôk. Môi tiah: Mâu hdrê kơxêt kôk hmâ hlo ai môi tiah môk a kơpêng, [ă môk gá mê pro môi tiah mơngiơk khêi, hmâ hlo a xơkối gá chong iâ [ă hên ki ê, tung dế kông kơxêt mê ai mơngiơk pro vâ tum rơbông iâ, a kơmăng ngăn hlo rơbông. 

{ok thái pơkeăng Nhựt xuân tối pơchân ăm rêm ngế tâng ‘nâi kơnó pơla kơxêt ki le\m [ă kơxêt kôk ki ai trếo ‘mêi, lơ ôh tá ‘nâi kơnó xiâm rêi dêi kơxêt mê, ki tro tâ pôi tá hnêi kâ mâu kơxêt ki mê.

Tâng klêi kâ, tâ tung châ hiăng tro hơ-ou thế re\ng lăm troh a hngêi pơkeăng khăm pơlât tơdrêng, tâng hrá kô trâm tơdroăng xía vâ.

Vâi krâ nho\ng o [ă pú hmâ nếo klêi tâng tơdroăng ‘’Ivá ăm rêm ngế’’ xua Tíu xiâm hnê mơhnhôk ‘na rak vế ivá – Khu ngăn pơkeăng kong pơlê Daklak tơru\m [ă Rơ’jiu Việt Nam kơpong Tây Nguyên rah chêh tơdroăng kố. Mơnê pó vâi krâ nho\ng o hiăng klêi tơmâng.

Gương prế A Sa Ly tơplôu [ă tơbleăng