VOV4.Sêdang - Khu xiâm pơkuâ ‘na pêi chiâk deăng ƀă mơnhông thôn pơlê nếo tơkŭm po hneăng hôp mơ’no tơdrêng tung um tiô troăng măng Internet tơdjêp pêi ƀă tê tơmeăm khoăng ing chiâk deăng, tơmeăm OCOP kơpong Tây Nguyên hơnăm 2021. Mâu tíu hrik hyôh um veăng hneăng hôm mê cho: Hà Nội, Pơlê kong kân Hồ Chí Minh, 5 kong pơlê kơpong Tây Nguyên (Dak Lak, Dak Nông, Kon Tum, Gia Lai, Lâm Đồng). Hneăng hôp cho roh ki tơdjêp vâ mâu khu pơkuâ, khu tê mơdró, kuăn pơlê pêi chiâk deăng tơpui tơno vâ tah lôi mâu tơdroăng ki mơdât, tơvâ tơvân drêng pơreăng COVID-19 xông tâ tú kum tung tơdroăng pêi pro roh mơhnhôk ‘’Mơngế Việt Nam kơjo xúa tơmeăm khoăng Việt Nam’’.

A Hneăng hôp tơpui tơno hiăng tơkŭm po leh kĭ tơkêa, mơ-éa chôu vế, tơrŭm cheăng pơla mâu khu tê mơdró, tôh tơrŭm cheăng, tôh khu tơrŭm pêi chiâk deăng 4 kong pơlê Dak Lak, Dak Nông, Lâm Đồng, Gia Lai ƀă mâu kơchơ siêu thĭ, tíu tê ‘ngré a Hà Nội ƀă Pơlê kong kân Hồ Chí Minh vâ tơdroăng rôe tâi tâng tơmeăm khoăng.

A Sa Ly tơplôu ƀă tơbleăng