Pêi pro tiô hnoăng cheăng mơjiâng thôn pơlê nếo, tung hơnăm hiăng hluâ, kuăn pơlê a cheăm C|ư Ni, tơring Ea Kar, kong pơlê Daklak hiăng pleăng dêi tơnêi [ă hên tơmeăm khoăng ki ê pro troăng prôk. {ă tơdroăng ki veăng ‘no hnoăng kal mê, mơ’nui hơnăm kố, cheăm C|ư Ni, tơring Ea Kar mơni kô pê klêi tơdroăng mơjiâng thôn pơlê nếo.

Troăng kân tơdjêp pơla [uôn K’Nốp [ă thôn 4 cheăm C|ư Ni, tơring  Ea Kar, kong pơlê Daklak xo\n 350 met hiăng châ tôh bê tông tơdrăng, rơdâ vâ chê 3 mét, hang lơng k^ng troăng péa pâ xuân kơpuih văng krúa. Tơdrêng amê, troăng ai on bâ eăng xuân nếo châ mơjiâng pro.

Rêm hâi prôk a troăng kân kố, pôa Phạm Duy Nghĩa, ối a thôn 4, cheăm C|ư Ni tối ‘na tơdroăng ki sôk ro, xua tơdroăng pê klêi troăng hơlâ kố hiăng pro hơ’lêh ngiâ méa thôn pơlê. Tơdrêng [ă kơxo# liăn ‘no dêi tơnêi têa, 28 rơpo\ng tung thôn hiăng ko loăng, pro kơnâng vâ pleăng tơnêi, veăng tơlo liăn rêm rơpo\ng ai 2 rơtuh 500 rơpâu liăn [ă veăng ‘no lối 300 hâi pêi cheăng vâ pro troăng. Pôa Phạm Duy Nghĩa ăm ‘nâi:

‘’Hdrối nah, troăng kố cho troăng tơnêi prôk lăm pá puât, xua rêm hdroh kong mêi pro ăm tơnêi hmốu króu klêh troh a troăng chiâng trâp, pá prôk lăm. Vâi krâ nho\ng o hiăng hôp dêi rơpó veăng pro troăng kân bê tong tiô pơkâ mơjiâng thôn pơlê nếo, cheăm ăm 10 ta#n xơmo\ng, ki u ối mâu rơpo\ng kuăn pơlê veăng tơlo 2 rơtuh 500 rơpâu liăn môi rơpo\ng, to hngêi pá k^ng veăng tơlo ối kum ăm 5 ta#n ximo\ng nếo. Mơhnhôk vâi krâ nho\ng o veăng pro, ngăn pro ti lâi vâ ăm troăng krá le\m, troh nôkố hiăng pro klêi troăng kuăn pơlê prôk lăm tơ’lêi hlâu tâ’’.

Pêi pro tiô tơdroăng mơhnhôk pleăng tơnêi mơjiâng troăng tung thôn, rơpo\ng hngêi ngoh Hoàng Văn Long ối a thôn 5, cheăm C|ư Ni, maluâ tung rơpo\ng kơtiê, la hiăng vâ pleăng dêi lối 1 sào tơnêi. Ngoh Long ăm tối tiah kố, tơdroăng pleăng tơnêi cho hnoăng cheăng pêi dêi kuăn pơlê, ‘no tơmeăm khoăng tơná xúa vâ pro pơxúa tơchuâm ăm tâi tâng rêm ngế.

‘’Tung tá, troăng tơnêi to trâp hliâk a rơnó mêi, vâi ‘ne\ng lăm hriâm ôh tá chiâng prôk. Rơpo\ng á hiăng pleăng ăm thôn lối 1 sao tơnêi, xo\n lối 40 met a bâ troăng, ko lối 30 xiâm loăng hôt, 40 xiâm kơphế, rơpo\ng hngêi pleăng dêi tơnêi la ôh tá xo liăn xua kố cho tơdroăng mơjiâng thôn pơlê rêh ối tiô troăng nếo, pleăng tơnêi pro troăng vâ kuăn pơlê rơtế prôk’’.

Pôa Phạm Duy Hùng, Kăn hnê ngăn Vi [an cheăm C|ư Ni, tơring Ea Kar ăm ‘nâi, pêi pro tiô tơdroăng mơjiâng thôn pơlê nếo sap ing hơnăm 2011 troh nôkố, cheăm hiăng mơhnhôk khu ‘no liăn mơjiâng pro tơmeăm khoăng. Tơdrêng [ă liăn ngân tơnêi têa kơjo kum, kuăn pơlê pleăng dêi tơnêi lối 100 rơpâu met karê [ă hnối veăng tơlo lối 3 rơtal liăn vâ po rơdâ troăng, mơjiâng pro vâ chê 30 km troăng tung thôn, tâp trăng hnhâng 3 km troăng kơxái on tơhrik bâ eăng tung kơpong kuăn pơlê ối, mơjiâng pro hên hngêi kuăn pơlê tơku\m hôp [ă hía hé. Troh nôkố, cheăm hiăng pêi châ 15 kơpêng 19 tơdroăng pơkâ mơjiâng thôn pơlê nếo [ă mơ-eăm pêi kêi a mơ’nui hơnăm kố. Pôa Phạm Duy Hùng, Kăn hnê ngăn Vi [an cheăm C|ư Ni, tơring Ea Kar, ăm ‘nâi:

‘’Mơhnhôk ivá kuăn pơlê la ngin vâ kuăn pơlê pơkâ riên ngăn kơxo# liăn pro, rak ngăn tung pêi pro pơkâ mâu tơdroăng mơjiâng. Sap pơla hơnăm 2011-2016, kuăn pơlê tung cheăm hiăng veăng tơlo lối 8 rơtal liăn, mơjiâng pro lối 40 km troăng bê tong a mâu thôn, ok bê tông a mâu troăng kân tung pơlê. Kơlo ki veăng tơlo mê iâ tâ sap ing 1 rơtuh 500 troh a 2 rơtuh, mâu ki ê tơlo 16 rơtuh liăn, tơdrêng [ă tơdroăng veăng tơlo mê ai mâu rơpo\ng ăm 5 lơ 7 ta#n ximo\ng vâ kum pơlê mơjiâng pro bê tong’’.

{ă tơdroăng veăng ‘no ivá pêi pro dêi kuăn pơlê, tá tơnêi, tơmeăm khoăng, liăn [ă hâi pêi cheăng, kuăn pơlê a cheăm C|ư Ni, tơring Ea Kar, kong pơlê Daklak hiăng mơhno hnoăng cheăng dêi tơná tung tơdroăng pơkâ dêi tơnêi têa mơjiâng thôn pơlê nếo.

Gương tơplôu [ă tơbleăng