VOV4.Sêdang - Tiô Kơ koan xiâm xêo ngăn kế tơmeăm khoăng, mơjiâng pro tơmeăm khoăng kơmăi kơmok khế 5 tiô tối hdrối tâk 1,6% tâng pơchông ƀă khế 4. Xêo tơdjuôm 5 khế apoăng hơnăm, mơjiâng pro tơmeăm kơmăi kơmok tâk vâ chê 10% tâng pơchông ƀă roh kố hơnăm hdrối. Tung mâu kơvâ cheăng kơmăi kơmok, mâu kơvâ ki xiâm ai mơhno tơdroăng mơjiâng pro tơmeăm 5 khế tâk hên tâng pơchông ƀă roh kố hơnăm hdrối, mê cho: tơmeăm khoăng meăm, mơjiâng pro rơxế ai kơmăi kơmok, mơjiâng pro xoăng koi, kơtuh, kơƀâng tăng ƀă hía hé.

Mâu tơmeăm kơmăi kơmok ki tâk hên tâng pơchông ƀă roh kố hơnăm hdrối mê cho: meăm thĕp, ô tô, tơmeăm pro phôn tâk hên, phôn râng kŏng, meăm thĕp ki tá hâi mơjiâng pro tơmeăm, rơxế hon đa ƀă tơmeăm mơngiơk hŏa hok.

A Sa Ly tơplôu ƀă tơbleăng