Tơdrốu khế apoăng hơnăm, Nghệ An tơbleăng tơdâng tơ’mô tơdroăng cheăng lêng, gâk kring, rak vế ƀă pêi pro tơniăn tơdroăng tơplâ, rak vế kơtăng troăng hơlâ hbrâ rơnáu tơplâ, rak vế krá rơdêi hnoăng pơkuâ tíu tơkăng kong ƀă rak vế tơniăn a kong pơlê. Tơmâng xo mâu tơdroăng ki hiăng pêi pro klêi dêi kong pơlê, Đăi tươ̆ng pơkâ thế Nghệ An pơtối tơmâng ngăn pêi pro tơƀrê tơdroăng cheăng pêi thâ 500 hâi măng tí tăng, tơkŭm, mơnhên inâi kơxêng kiâ mố đô̆i tơmiât troh tơbâ 80 hơnăm Hâi Mố đô̆i rong râ, hlâ hía.

Kong pơlê kal hnê mơhno kơtăng tơdroăng ki mơnhên inâi mâu tơnâp kiâ mố đô̆i ki tá hâi ai inâi a mâu ilâng kiâ mố đô̆i, veăng gum tơdroăng ki pâ mơnê mâu ngoh khên tơnôu hlâ rêh ƀă pêi châ tơdroăng púi rơhêng vâ dêi mâu rơpŏng hngêi nhŏng o vâi.