6 khế apoăng hơnăm, tâi tâng tơmeăm cheăng kâ dêi Dak Lak riân tâk 8%, châ xo liăn ing ôm hyô tâk lối 37%; ai lối 1.990 khu mơdró mơjiâng nếo. Hôp Tơbleăng Pơkâ hdró ƀă pêi pro ‘no liăn cheăng kong pơlê Dak Lak tơ’mot 103 khu ‘no liăn cheăng chêh inâi tơbleăng pêi 147 tơdroăng tơkêa bro ƀă tâi tâng kơxô̆ liăn tiô tối hdrối lối 1 rơtuh rơtal liăn; 25 tơdroăng tơkêa bro, tâi tâng kơxô̆ liăn 10.290 rơtal liăn hiăng vâ ai tiô troăng hơlâ ‘no liăn pro tơmeăm khoăng.

Pơkuâ rôh hôp, pôa Lương Nguyễn Minh Triết, Kăn hnê ngăn Đảng kong pơlê Dak Lak pơkâ thế rêm râ, mâu kơvâ cheăng tơkŭm tŭm tơdroăng pơkâ vâ pêi tâk châ sap 10% tơngi klêng tung hơnăm 2026; mơdêk ki tơƀrê tung hnoăng cheăng mâu kăn kong pơlê 2 râ; mơdêk rơdêi ‘mâi hơ’lêh pêi cheăng, pơ’lêh kơxô̆, pêi cheăng tung măng, tah ki xơpá ăm khu mơdró, pêi rĕng mâu tơdroăng tơkêa bro ki kal ƀă ngăn kơtăng pro tiô luât, ‘na liăn ngân ‘no pêi cheăng, rơtế ƀă pôu râng hnoăng cheăng ƀă nế pơkuâ xiâm ƀă tơdroăng cheăng pêi.