Tơdrốu khế apoăng hơnăm, GRDP dêi kong pơlê tâk lối 9%, ối má 14.34 kong pơlê, Pơlê kong kân tung lâp tơnêi têa kơpong Kĭng têa kơxĭ ‘na hdroh tơdế tơnêi têa ƀă Tây Nguyên; hên pơkâ ‘na cheăng ƀă kơmăi, tê mơdró, ‘no liăn pêi cheăng tâk hên, xo liăn nâp  ăm hngêi rak liăn lối 74% tiô tơdroăng tối hdrối tung hơnăm. Hôp  mơnhên 6 khu tơdroăng cheăng pêi ki kal, tung mê, pêi ahdrối tah ki xơpá tơvâ tơvân ‘na xo tơnêi vâ mơjiâng tơmeăm khoăng, mơdêk rĕng xo liăn ing hngêi rak liăn vâ mơjiâng pro tơmeăm khoăng tơnêi têa, mơdêk ki tơƀrê tung pêi cheăng Đảng, kơtăng ‘na luât, rak tro luât ƀă rơtế tối kăn ƀô̆ ƀă ki tơbrê dêi tơdroăng cheăng.

Pôa Lâm Đông - Phŏ kăn hnê ngăn Đảng kong pơlê, Kăn hnê ngăn Hô̆i đong Kuăn pơlê kong pơlê Khánh Hòa pâ thế rêm râ, kơvâ cheăng pơ’lêh Hlá mơ-éa chêh troăng hơlâ luât pơkâ ƀă tơdroăng pêi pro hlối, xo ki tơƀrê pêi cheăng pơxúa ăm kuăn pơlê ƀă khu mơdró pro loăng rêk hdró ki pêi tơbrê.