Kơxê lơ 30/6, a rôh hôp tơno Hneăng hôp má 2 Hô̆i đong kong pơlê Dak Lak hneăng má X, hên kăn teăng mâ pơkâ thế kal tah lôi mâu tíu ki kreăng ‘na mơ’no liăn cheăng tơnêi, tơnêi tơníu, pro mơ-éa ƀă pơhlêh i lĕm tâ tíu mơ’no liăn cheăng vâ châ pơkâ tơtêk GRDP tung 10% tung hơnăm 2026. Mâu kăn teăng mâ tối sap ing kơlo tơtêk 7,84% nôkố, Vi ƀan kong pơlê kal rĕng mơjiâng tơdroăng ki vâ tơtêk inhên, mơnhên nhên mâu tơdroăng tơkêa bro ki mơdêk, kơxô̆ liăn mơ’no ƀă troăng mơnhông châ tơƀrê.

Klêi kơ’nâi tơbleăng Pơkâ pêi kong pơlê ƀă tơkŭm po châ tơƀrê Hneăng hôp mơ’no liăn cheăng ƀă 25 tơdroăng tơkêa bro châ ăm mơ-éa mơnhên, tâi tâng kơxô̆ liăn lối 40.200 rơtal liăn, Dak Lak dế ai hên rôh tơ’lêi mơnhông mơdêk. Laga, mâu kăn teăng mâ tối rơdêi mâu rôh tơ’lêi hlâu kố bu chiâng tơdroăng pêi ki tơtêk drêng mâu tíu ki kreăng ‘na mơ’no liăn cheăng, pơkâ pêi, tơnêi tơníu ƀă troăng pêi pro châ tah lôi teăm tơdrêng.