Hơnăm 2026, kong pơlê Dak Lak châ pơcháu liăn ‘no mơjiâng tơmeăm khoăng tơnêi têa vâ chê 10.500 rơtal liăn, la troh mơ’nui khế 6, lâp tung kong pơlê nếo châ xo lối 3.000 rơtal liăn, iâ tâ kơlo riân tung lâp tơnêi têa. Ki xiâm cho hên tơdroăng tơkêa bro ối tơvâ hên tơdroăng chêl thiăn liăn tơnêi tíu; tơdroăng ôh tá ai tơmeăm mơjiâng pro tơmeăm ƀă yă têa châu to kơnâ xuân tơdjâk troh mơjiâng pro tơmeăm khoăng dêi khu mơjiâng pro…

Mơdêk rĕng xo liăn ngân ‘no mơjiâng tơmeăm khoăng tơnêi têa hơnăm 2026, Vi ƀan kuăn pơlê kong pơlê Dak Lak dế tơbleăng hên troăng hơlâ pêi kơtăng. Sap hâi lơ 1/7 kong pơlê tối KPI, tung mê, ai ngế pơkuâ tíu pêi cheăng, kơvâ cheăng bă cheăm bêng kô tro séa ngăn tơleăng mơnhên hnoăng cheăng pêi ‘na tơdroăng pêi pro tiô pơkâ.