6 khế apoăng hơnăm, cheăng kâ dêi Gia Lai tâk lối 8%. Ki tâk châ pơtối rak a pái kơpong cheăng kâ mê cho cheăng ‘na Kơmăi - mơjiâng pro tơmeăm khoăng, mơdró kâ, pêi chiâk, pêt kong hlối rak ngăn kong. Tung mê, cheăng ‘na kơmăi pơtối hlo tơƀrê, tơ’mot ‘no liăn tâk ƀă 165 tơdroăng tơkêa bro, tâi tâng kơxô̆ liăn vâ chê 165 rơpâu rơtal liăn, hên luâ tâ pái hdroh tâng pơchông ƀă hơnăm nah. Xo liăn ngân nap ăm hngêi rak liăn kơpêng 16 rơpâu rơtal liăn, tâk lối 22%. Vâ ai tiô pơkâ tâk lối 10%, Vi ƀan kuăn pơlê kong pơlê Gia Lai tối ‘no liăn pro tơmeăm khoăng tơnêi têa xuân cho tơdroăng ki kal tung mâu khế mơ’nui hơnăm.

Pôa Phạm Anh Tuấn, Kăn hnê ngăn Vi ƀan kong pơlê Gia Lai tối ăm ‘nâi, tơdroăng xo liăn vâ pêi cheăng pro tơmeăm khoăng tơnêi têa hiăng hlo  pơxiâm tơ ƀrê, xua hên tơmeăm mơjiâng pro hiăng klêi pro, ối tơkôm pro klêi hlá mơ-éa ăm liăn.