Tung mê, ki tơxâng vâ tối cho Hlá mơ-éa chêh troăng hơlâ luât pơkâ ‘na Pơkâ mơnhông cheăng kâ - pơlê pơla, tơniăn cheăng lêng, kring tơniăn kong pơlê Dak Lak pơla hơnăm 2026-2030. Hlá mơ-éa chêh troăng hơlâ luât pơkâ ‘nâi nhên xiâm ki vâ mơjiâng Dak Lak chiâng kong pơlê mơnhông tơbrê ƀeăn ƀĕng rơkê dêi tơnêi têa; cho xiâm cheăng kâ krúa lĕm, logistics, ‘na pơkeăng pơlât, hnê hriâm, ôm hyô, túa lĕm tro- tơ’noăng ivá ƀă khoa hok - kong ngê̆ dêi kơpong Kĭng têa kơxĭ ‘na Hdroh  Tơdế tơnêi têa ƀă Tây Nguyên.

Hlá mơ-éa chêh troăng hơlâ luât pơkâ xuân chêh tối 5 troăng hơlâ pêi tơbrê, mê cho pê klêi luât pơkâ ƀă mơjiâng tơdroăng pro hlá mơ-éa tơniăn tiô túa nếo; mơhnhôk pêi cheăng tơbrê ‘na tăng liăn vâ mơnhông pro tơmeăm khoăng ki pơxúa; xo khoa hok - kong ngê̆, pơ‘lêh nếo hriăn plĕng ki nếo ƀă pơ‘lêh kơxô̆ pro xiâm vâ pêi châ tâk; mơnhông kơpong cheăng kâ pá Hdroh Phú Yên, kơphô̆ Buôn Ma Thuột ƀă mâu hang lơng cheăng kâ chiâng mâu tíu pêi cheăng tâk tơbrê; mơdêk rơdêi cheăng kâ krê dêi kuăn pơlê, cheăng kâ krúa lĕm, cheăng kâ kơxô̆, cheăng kâ têa kơxĭ ƀă kơmăi kơmok uâ pơliê pro trâu lĕm tâ.