Xông tơpui a Hôp tơno tơdroăng, pôa Lê Minh Hưng, Ngế pro xiâm hnê ngăn tơnêi têa pơkâ mâu khu xiâm, kơvâ cheăng ƀă kong pơlê thế hbrâ xêh, tơmiât pêi rơkê, ôh tá tơkôm kơnôm vâ tơniăn tơdroăng pêi ƀă ki dâi lĕm. Ngế pro xiâm hnê ngăn tơnêi têa pơkâ thế pêi pro tro, tŭm tơdroăng pơkâ pêi, mơ-éa tiô luât, pêi tiô tơtro kih thuât tơniăn.

Thăm xúa khoa hok kŏng ngê̆, pơhlêh tơmiât pêi rơkê, pơhlêh xúa kŏng ngê̆ măng internet ƀă pơhlêh krúa lĕm kong prâi tung mơjiâng pro, mơdêk tơdroăng mơjiâng pro ƀă mơdêk ki dâi lĕm tơmeăm khoăng. Ngế pro xiâm hnê ngăn tơnêi têa tối rơdêi ôh tá ăm ai tơdroăng ki ôh tá tro, kâ kơhveăm liăn ngân, châ lo pa kong mơ’nhê tê kơtê kơxô̆ liăn dêi Tơnêi têa ƀă pơlê pơla.

Ngế pro xiâm hnê ngăn tơnêi têa pơkâ thế Khu xiâm mơjiâng tơmeăm khoăng ƀă mâu kong pơlê pêi tiô tơtro tơdroăng tơkêa bro, tơkŭm pêi kêi đeăng hlá mơ-éa hbrâ mơ’no liăn cheăng, kĭ tơbleăng hriăn plĕng chiâng pêi pro ƀă rah xo khu mơ’no liăn cheăng ƀă mâu tơdroăng tơkêa bro ki kal.