Klêi tơmâng mâu tơdroăng veăng hnê tối rôh tơpui tơno, pôa Trần Thanh Mẫn, Kăn xiâm hnê ngăn Kuô̆k hô̆i tối tiah kố, 6 khế apoăng hơnăm Đảng bộ Kuô̆k hô̆i hiăng pơtối mơhno hnoăng cheăng pêi ki kal pơ’lêh troăng hơlâ dêi Đảng, má môi cho mâu tơdroăng tối mơgêi dêi Khu xiâm Kal kí, mơdêk ki tơbrê tơdroăng cheăng mơjiâng luât, séa ngăn nhên, hlá mơ-éa pơkâ dêi khu pơkuâ mâu tơdroăng ki kal dêi tơnêi têa.

Tối mâu tơdroăng hâi tro ki tơvâ tơvân tung tơdroăng pơkuâ, hnê mơhno pơla hdrối kố hía nah, Kăn xiâm hnê ngăn Kuô̆k hô̆i  pơkâ thế, 6 khế mơ’nui hơnăm, mâu kơ koan dêi Kuô̆k hô̆i kal tơmâng nhên khât a tơdroăng cheăng ki ‘mâi pơ’lêh teăm tơdrêng troăng hơlâ dêi Đảng, ki nhên khât cho Hlá mơ-éa chêh troăng hơlâ luât pơkuâ dêi Hneăng hôp Tíu xiâm. Ƀă 2 kuât pơkâ tơrŭm tơtro pơtroh a Khu kăn hnê ngăn Đảng, kal séa ngăn, pê klêi vâ tơbleăng tơ’lêi hlâu ăm mâu kăn, mơdêk ki châ tơƀrê pơkâ dêi luât ƀă tơleăng pêi teăm tơdrêng mâu tơdroăng ki ôh tá tro nếo ai. Roh hôp mê xuân hiăng têk kŏng tiâ vâ tơbleăng ‘na luât pơkâ pêi cheăng dêi Khu kăn Đảng bộ Kuô̆k hô̆i hneăng 2025-2030.