Hôp mê vâ tơbleăng tơmeăm khoăng ai hlâu, troăng hơlâ mơnhông kơmăi chêh ‘na kơno têa kơxĭ, logistics hlối krếo mâu khu ‘no liăn pro veăng mơnhông cheăng kâ a têa kơxĭ kong pơlê. Hên mơngế rơkê tối, tung pơla mung tơmeăm tung lâp plâi tơnêi dế pơtối pêi cheăng, Khánh Hòa kal thế mơnhông tơdâng a kơno têa kơxĭ, kơno têa ki trĕng ƀă a Tíu xiâm pêi cheăng logistics vâ ai tơdroăng lĕm logistics nôkố, ôh ta xê to ‘no liăn krê ăm tơrêm tơmeăm khoăng. Vân Phong kô rak hnoăng cheăng a kơno tuk hơlâ troăng ƀă dế pơtroh lâp plâi tơnêi; Cam Ranh mơnhông cheăng logistics ki krê; ối ai kơno tuk têa trĕng kô tơrŭm xiâm ing Tây Nguyên ƀă Nam Trung Bộ.  

Klêi mê, ‘no liăn pro kơno têa kơxĭ ƀă kơno têa trĕng tơtro kô gum ăm iâ hâi khế pơto chơ, kơdroh liăn ăm logistics ăm khu mơdró, mơdêk tơrŭm tung kơpong ƀă pro xiâm mơnhông cheăng kâ a têa kơxĭ.