Veăng a rôh tơ’noăng má mơ’nui ai 97 túa kơphế Robusta ƀă 49 túa kơphế Arabica, sap ing kơpong pêt kơphế ki châ vâi ô eăng môi tiah Dak Lak, Lâm Đồng, Gia Lai, Dak Nông, Kon Tum, Quảng Trị ƀă Sơn La. Kố cho mâu túa kơphế ki lĕm má môi châ rah xo krâu, mơhno tơdroăng ki mơ-eăm khât dêi kuăn pơlê pêt ƀă tíu pêi cheăng veăng tơ’noăng tung lâp tơnêi têa.

Tung pơla sap ing hâi lơ 20 troh 23/4, Khu châm điêm kô mơnhên tối, châm điêm mâu túa kơphế. Tơdroăng ki mơnhên tối, châm điêm kô pêi pro tiô tơdroăng pơkâ kơtăng tro lâp plâi tơnêi, sap ing pro pơhlêh túa, mơnhên tối ‘na túa ki pro, kơ-óu uâ, ôu mơnúa ngăn, chêh xo tơdroăng tá troh pơkâ tơdroăng.