Klêi tăng ngăn a mâu kơ koan, tíu pêi cheăng môi tiah Trung đoân 584, Đông tơkăng kong 735, Đông tơkăng kong 737 ƀă hmâng Kăn xiâm pơkuâ ngăn lêng kong pơlê Dak Lak tối tơbleăng, Thươ̆ng tươ̆ng Trương Thiên Tô tơmâng xo, khĕn kơdeăn mâu tơdroăng hiăng châ pêi pro. Pakĭng mê, khu kăn xuân tối nhên mâu tơdroăng ki hâi pêi, ki pêi hâi tro, tối nhên xiâm ing lâi ƀă pâ thế Khu xiâm pơkuâ ngăn lêng kong pơlê Dak lak mơjiâng pơkâ ‘mâi mơnhông, mơdêk tơbrê tơdroăng cheăng pêi tung la ngiâ.

Tung mê, tơmâng ngăn khât cho hbrâ rơnáu ƀă tơkŭm po hriâm tâ kơpong ki hbrâ rơtế ƀă hbrâ tung kuăn pơlê ra kong pơlê. Pakĭng mê, hbrâ hdrối tơrŭm tăng ngăn hdrối a tíu vâ tâp tơneăn hdró tíu tơkăng kong pơla Việt Nam - Kul; tăng ngăn nhên, rak ngăn krâu khât xiâm mơngế, plong tuk, rơxế mâu lêng kuăn pơlê hbrâ  kuăn pơlê hbrâ hdrối drêng ai tơdroăng kal vâ; tơbleăng pêi tơƀrê tơdroăng hbrâ tơplâ mơdât ƀă mâu ki xôi, mâu tơnăng ká hmâng vâ oh tá tro luât pơkâ IUU ƀă pêi pro “Tơdroăng 500 hâi pêi” tăng kơxêng kiâ mâu ki hlâ, mơnhên inâi hơnăm.