Kuân khu 5 gum mơjiâng pro hngêi trung ai tíu kâ koi ối pơtê péa râ kơpong tơkăng kong
Thứ năm, 05:00, 21/05/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - A Khu xiâm pơkuâ ngăn Kuân khu 5, Trung tươ̆ng Lê Ngọc Hải, Kăn pơkuâ Kuân khu 5 pơkuâ po rôh hôp tơmâng mâu kơ koan tối tơbleăng klêi kơ’nâi séa ngăn tơdroăng púi rơhêng vâ châ tŏng gum ƀă tơdroăng pơkâ mơjiâng pro hngêi trung hriâm ai tíu kâ koi ối pơtê péa râ râ má môi ƀă râ má péa a mâu cheăm tơkăng kong a tơnêi ‘lâng tung kơpong Peăng tơdế tơnêi têa – Tây Nguyên.
Nôkố, a Kuân khu 5 dế tơbleăng pro 22 toăng hngêi trung ai tíu kâ koi ối pơtê péa râ. Mâu hngêi trung ki châ pro kố ai kơxô̆ liăn ‘no tơdâng tơ’mô, lĕm krá ai hên mâu kơbong ki kal môi tiah: kơbong hngêi hiê̆u ƀô̆, hngêi pơchuât mơéa, kơbong hriâm râ má môi ƀă râ má péa, kưbong hriâm ƀô̆ môn, hngêi đa năng, tíu klê, hngêi pế hmê, hngêi kâ hmê, kơpong ối pơtê ƀă mâu tíu ki hnê hriâm pơtâp ivá.
Vâ rak vế tơniăn tŭm mâu hngêi trung teăm rah xo hok tro mot hriâm a hơnăm hriâm 2026-2027, mâu cheăm hiăng pâ thế Kuân khu 5 gum khu ki veăng pro, rơxế veăng pro vâ mơdêk rĕng tơdroăng ki pro, veăng gum rĕng ăm hngêi trung kố châ xúa, pêi châ tiô tơdroăng rơhêng vâ hriâm tâp dêi hok tro kơpong tơkăng kong, kơpong malối xơpá.
Viết bình luận