Mơgêi tâi tâng pơkâ liăn ‘no mơ jiâng tơmeăm khoăng hơnăm 2026 dêi Lâm Đồng châ Ngế pro xiâm hnê ngăn Chin phuh pơcháu vâ chê 14.900 rơtal liăn. Troh tơdế khế 6, kong pơlê xo liăn ngân lối 2.74 rơtal liăn, pêi hâi châ 14% tiô pơkâ hdrối. Ki xiâm xua hên tơdroăng tơkêa bro ki pơtối pêi kân hlối hrá tung tơdroăng hbrâ ‘no liăn pro, gu tơnêi, pro klêi hlá mơ-éa tro luât; tơdroăng tơrŭm pơla mâu kơ koan klêi tơ’mot tơdjuôm hâi tơdâng tơ’mô.

Kăn pơkuâ hnê ngăn Đảng kong pơlê Dak Lak pôa Y Thanh Hà Niê Kdăm khĕn kơdeăn: Liăn ngân ‘no mơjiâng tơmeăm khoăng tơnêi têa dế cho môi tung mâu tơdroăng ki pá kân má môi dêi kong pơlê. Pôa pơkâ thế mâu kăn kong pơlê 2 râ ƀă mâu kơvâ cheăng tơkŭm tah mâu tíu ki pá vâ mơdêk pêi tơdroăng tơkêa bro ki kal, tah ki pá dêi mâu tơdroăng tơkêa bro ki hâi pêi, mơdêk pêi tơƀrê xo liăn a hngêi rak liăn vâ ‘no pro tơmeăm khoăng tơnêi têa.