Pôa Lê Minh Hưng, Ngế pro xiâm hnê ngăn tơnêi têa mơnê mâu Mố đô̆i ki hlâ a Ilâng Vị Xuyên
Thứ năm, 10:46, 16/07/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Tơmiât troh tơbâ 79 hơnăm Hâi mố đô̆i rong râ hlá hía, kơxê lơ 15/7, pôa Lê Minh Hưng, Ngế pro xiâm hnê ngăn tơnêi têa rơtế ƀă khu ki pêi dêi hnoăng cheăng tơnêi têa hiăng pleăng reăng, têk nhăng tơbâ mâu ngoh Mố đô̆i ki hlâ a Ilâng kiâ Vị Xuyên, kong pơlê Tuyên Quang
Ilâng kiâ mố đô̆i Vị Xuyên cho tíu koi pơtê dêi 1.972 ngế mố đô̆i ƀă 2 to tơnâp kiâ ki tâp tơkŭm hên ngế. A ngiâ um meăm Tơnêi têa chêh xo hnoăng, teăng mâ kăn pơkuâ Đảng ƀă Tơnêi têa, pôa Lê Minh Hưng, Ngế pro xiâm hnê ngăn tơnêi têa rơtế ƀă mâu kăn ki ê hiăng pleăng reăng, têk nhăng, mơdoh môi iâ phut tơbâ troh ƀă mơhno hiâm mơno mơnê kân troh hnoăng cheăng dêi mâu ngoh Mố đô̆i hiăng hlâ xua tơniăn lĕm tơnêi têa.
Tung rôh tơplâ rak vế tơkăng kong peăng Kơnhŏng, a Tíu tơplâ Vị Xuyên, ƀă hiâm mơno khên tơnôu “Rêh ối ƀă plâ xâ, hlâ xua tro trếo ‘mêi” lêng ƀă kuăn pơlê pin hiăng hlâ, piu tơná vâ rak vế tơrêm xơtá tơnêi kơnía dêi Tơnêi têa.
Viết bình luận