Akố, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa ăm ‘nâi, rơtế ƀă rak ngăn, pêi pro troăng hơlâ tŏng gum ƀă mâu nhŏng o vâi, mâu mố đô̆i tro rong, mố đô̆i châi tamo, mố đô̆i hơnăm hiăng krâ hneăng hdrối, mâu ngế ki veăng gum ivá ăm cheăng tơleăng lĕm hdrông mơngế, pro tơnêi têa tơrŭm chiâng môi, rak vế tơniăn krê hnoăng pơkuâ tơnêi tơníu, rak vế tơdroăng ki tơniăn lĕm ƀă mơnhông tơnêi têa.

Đảng tơnêi têa ƀă pơlê pơla dế mơ-eăm tăng rôu, tơkŭm, mơnhên inâi mâu mố đô̆i ki hiăng hlâ a Việt Nam ƀă mâu mố đô̆i pêi dêi hnoăng cheăng a kong têa ê. Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế, Tíu cheăng pơlât athế tơrŭm tơniăn lĕm ƀă mâu hngêi pơkeăng râ kơpêng vâ khăm chuyên khoa, hô̆i chẩn, pơlât ƀă pơtroh râ kơpêng; pôi tá pro ai tơdroăng ki hrá chêh pro hlá mơ-éa.

Xua Tơdroăng pơkâ dêi Đảng, Tơnêi têa ƀă pơlê pơla athế pêi veăng gum mâu tơdroăng xơpá ki u ối, vâ mâu vâi meh, vâi ngoh, mâu vâi nâ rêh ối ro, rêh ối mo sêi, tơniăn; châ rak ngăn ƀă hiâm mơno pâ nhuô̆m.