Tơpui a rôh hôp, pôa Lương Cường, Kăn xiâm hnê ngăn tơnêi têa tối nhên: ƀlêi trâng 30/4/1975 tơleăng tâi tâng peăng Hdroh cho ƀlêi trâng sap nah tá hâi chói ai mê cho ai hnoăng kân dêi tơdroăng tơpui kâ Việt Nam. Kăn xiâm hnê ngăn tơnêi têa tối tiah kố, tơpui kâ hiăng mơhnhôk châ tơdroăng môi tuăn kân tá liăn ngân ƀă tuăn mơno sap ing mâu kong têa tung lâp plâi tơnêi, pro chiâng tơdroăng lâp plâi tơnêi kân rơdâ môi tuăn rôh tơplâ ki tro dêi Kuăn pơlê Việt Nam.

Tung chal 20, iâ ai rôh tơplâ dêi hdroâng mơngế ki lâi tơkŭm châ tơdroăng môi tuăn tung lâp lu ƀă rơdêi tá tung tơnêi têa ƀă a kong têa ê môi tiah hdroâng mơngế Việt Nam. Rơtế amê, tơpui kâ hiăng tơrŭm rơkê tro, krá tơniăn ƀă cheăng lêng ƀă kal kí “rế plâ rế tơpui tơno”, ing mê châ ƀlêi trâng tơrêm hvêa, pro chiâng ivá vâ ăm tơdroăng cheăng tơplâ tơleăng peăng Hdroh, pro tơnêi têa tơrŭm chiâng môi prôk troh rôh ƀlêi trâng tâi tâng.