VOV.Xơ Đăng - Pêi pro Tơdroăng tơ’noăng ‘’Tơdjuôm ivá têa tah hngêi pơtân, hngêi xi kơchoh, mơjiâng pro hngêi nếo tung lâp tơnêi têa a hơnăm 2025’’ tiô hnê mơhno dêi Chin phuh, troh mơ’nui khế 3 kong pơlê Kon Tum hiăng mơjiâng nếo, rơnêu châ 1.776 toăng hngêi tung tâi tâng kơxô̆ 2.752 toăng hngêi. Ƀă khŏm mơ-eăm troh mơ’nui khế 6 la ngiâ tâi tâng mâu rơpŏng kơtiê, vâ chê kơtiê, rơpŏng ai tơdroăng rêh ối pá puât ôh tá rêh ối xếo tung mâu toăng hngêi pơtân, hngêi xi kơchoh, mâu đảng viên a kong pơlê Kon Tum dế ối má môi kum kuăn pơlê mơjiâng mâu toăng hngêi kân lĕm rơdâ, krá tơniăn ƀă kơnâ lối kơlo tŏng gum.

VOV.Xơ Đăng - Tung mâu hơnăm hdrối mê hía nah, tơdroăng cheăng kâ, rêh ối pơlê pơla a kơpong hdroâng kuăn ngo ki iâ mơngế a kong pơlê Bà Rịa-Vũng tàu rế hiá rế mơnhông. Châ chiâng ai tiah mê kơnôm ai tơdroăng tŏng gum, rak ngăn dêi rêm râ Đảng, khu kăn hnê ngăn, rơtế ƀă ivá mơno ki kơdo mơ-eăm dêi kuăn pơlê, tung mê, ai ta hnoăng kơdo mơ-eăm tơkâ luâ xahpá dêi kuăn pơlê, tung mê, ai hnoăng cheăng ki kân dêi mâu ngế ki châ kuăn pơlê loi tơngah. Vâi ôh ta xê to kŏng ki xŏn vâ tơdjêp pơla khu kăn hnê ngăn, mê ối cho khu ngế ki tơtô vâ kuăn pơlê hdroâng kuăn ngo pói tơngah.

VOV.Xơ Đăng - Xối tơbâ hâi pơtáu Hùng hlâ (hâi má 10 khế 3 âm lĭt) ôh tá xê to rôh vâ tơbâ vế troh xiâm rêi, mê ối cho vâ hnê ăm rơxông nếo, tơbâ ki hâk tơngăm dêi hdroâng mơngế, tuăn pâ tơnêi têa ƀă nâi rak vế ki kơnía git, túa lěm tro roh vâi krâ ton nah. Tơdrêng ƀă tơdroăng phiu ro, thái ƀă hok tro hngêi trung râ má péa Nguyễn Văn Cừ (pơlê kong kơdrâm Buôn Ma Thuột, kong pơlê Dak Lak) hiăng tơkŭm pêi pro hên hnoăng cheăng lěm tro mê, cho tăng nâi tơdroăng rôh ton nah dêi rơxông khu pơtáu Hùng, tơbâ tơdroăng hơ’muăn tối ton nah ing mê, mâu vâi o hok tro ôh tá xê to ai rôh châ hriâm ‘nâi tơdroăng roh ton nah, mê ối hriâm vâ ai tuăn tơrŭm ƀă dêi rơpó ƀă ‘nâi hnoăng dêi tơná cheăng tơná ƀă pơlê pơla, tơnêi têa.

VOV.Xơ Đăng - Kơxo lơ 4/4, kăn teăng mâ Lếo a Hà Nội, pôa Phạm Minh Chính, Ngế pro xiâm hnê ngăn Chin phuh pơkuâ djâ khu kăn Chin phuh tơnêi têa Kŏng hòa xah hô̆i chuh ngiah Việt Nam troh ‘măn rơvĭng reăng, pôu ngăn pôa pôa Khamtay Siphandone, kăn xiâm hnê ngăn Đảng Nhân yân Kăch măng, kăn xiâm hnê ngăn tơnêi têa, Ngế pro xiâm hnê ngăn tơnêi têa Kŏng hoa Yân chuh Nhân yân Lếo hneăng hdrối.

VOV.Xơ Đăng - Kơxo hâi lơ 4/4, a Tíu pêi cheăng teăng mâ Lếo a Pơlê kong kân Hồ Chí Minh, pôa Nguyễn Thành Nghị, Phŏ kăn pơkuâ hnê ngăn Đảng pơlê kong kân pơkuâ djâ khu kăn lăm pôu ngăn pôa Khamtay Siphandone.

VOV.Xơ Đăng - Hâi 3/4/2025, ‘nâi tơdroăng ki Đăi tươ̆ng Khamtay Siphandone, kăn xiâm hnê ngăn Đảng Nhân yân Kăch măng Lếo, Kăn xiâm hnê ngăn kong têa Lếo, Ngế pro xiâm hnê ngăn kong têa Kŏng hoa Yân chuh Nhân yân Lếo hneăng hdrối hiăng hlâ, pôa Tô Lâm, Kăn xiâm pơkuâ hnê ngăn cheăng Đảng hiăng pơkuâ djâ khu kăn xiâm dêi Đảng, Tơnêi têa Việt Nam lăm ngăn pôa Khamtay Siphandone.

VOV.Xơ Đăng - Hâi 3/4, pôa Phạm Minh Chính, Ngế pro xiâm hnê ngăn Chin phuh hiăng pơtroh kơthô troh kơ pôa Sonexay Siphandone, Ngế pro xiâm hnê ngăn Chin phuh Lếo veăng sĭng khéa ‘na tơdroăng ki Đăi tươ̆ng Khamtay Siphandone hlâ.

VOV.Xơ Đăng - Kong măng lơ 3/4, a Plông kân Lâm Viên, pơlê kong kơdrâm Đà Lạt po leh tơbâ 50 hơnăm Hâi tơleăng lĕm Lâm Đồng (3/4/1975 – 3/4/2025).

VOV.Xơ Đăng -  Kơxê lơ 3/4, pôa Nguyễn Đức Hải, Phŏ Kăn xiâm hnê ngăn Kuô̆k hô̆i ƀă khu râ kăn pêi cheăng hiăng ai roh pêi cheăng ƀă kong pơlê Lâm Đồng ƀă Kơ koan xiâm hriăn plĕng trếo tik nik ‘na tơdroăng pêi pro Tơdroăng pơkâ 57 dêi Khu xiâm kal kí, Pơkâ 193 dêi Kuô̆k hô̆i ‘na mơnúa mâu troăng pơkâ pêi, troăng hơlâ ki phá tơ-ê mơjiâng mơnhông châ tơƀrê khoa hok, kŏng ngê̆.

VOV.Xơ Đăng - Tung roh lăm pôu pêi cheăng păng ‘nâng Armenia, hâi lơ 3 khế 4, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm mâ tơpui tơno ƀă pôa Vahagn Khachaturyan, Kăn xiâm pơkuâ kong têa Armenia.