VOV4.Xơ Đăng - Pêi pro tiô troăng hơlâ tơbâ 80 hơnăm hâi mơjiâng Khu kêng Kuăn pơlê Việt Nam mâu hơnăm ối nếo Kon Tum dế tơkŭm pêi hên tơdroăng cheăng ai pơxúa hnê mơhno tơdroăng lĕm tro ton nah pâ nhoăm tơnêi têa ƀă pơtối vế hnoăng pêi pro dêi rơxông ối nếo tung mơjiâng pơlê xiâm tơná.

VOV4.Xơ Đăng - Kơxo lơ 16/12, Khu Tơrŭm tíu xiâm Đảng tơkŭm po rôh hôp lâp tơnêi têa mơgêi tơdroăng cheăng mơjiâng Đảng hơnăm 2024, tơbleăng tơdroăng cheăng hơnăm 2025.

VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo ai roh trâm mâ kuăn pơlê klêi kơ’nâi hneăng hôp má 8, Kuô̆k hô̆i hneăng má XV ƀă lối 200 ngế kuăn pơlê teăng mâ ăm mâu cheăm, pơlê kân, mâu ƀok xối, yah chĭng, ƀok Phop tung tơring Cờ Đỏ, pơlê kong kân Cần Thơ.

VOV4.Xơ Đăng - Kơxo lơ 15 – 12/12, a pơlê kong kơdrâm Pleiku, Gia Lai, Đảng ủy, Khu xiâm pơkuâ lêng Kuân đoân 34 hiăng tơkŭm po Leh tơbleăng Pơkâ mơjiâng Kuân đoân 34.

VOV4.Xơ Đăng - Hâi lơ 15/12, Klăng roh leh tơbâ 70 hơnăm Pôa Hồ vêh ối ƀă pêi cheăng tung Kơpong Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng hiăng troh têk nhang tơbâ Pôa Hồ a Hngêi 67.

VOV4.Xơ Đăng - Kơxê hâi lơ 15/12, pôa Phạm Minh Chính - Ngế pro xiâm hnê ngăn tơnêi têa hiăng lăm ngăn mâu tíu pêi cheăng hlối pêi cheăng ‘na tơdroăng tơbleăng pêi tơdroăng tơkêa bro troăng kân tơdrăng Cần Thơ - Cà Mau pơla troăng Hậu Giang - Cà Mau.

VOV4.Xơ Đăng – Klêi kơ’nâi 6 hơnăm pêi pro Tơdroăng rêm cheăm môi tơmeăm (OCOP), kong pơlê Dak Nông hiăng chôa ‘lâng mơjiâng inâi ăm mâu tơmeăm khoăng ‘na chiâk deăng ki dâi lĕm khât. Ing mê, veăng gum thăm mơdêk tơrŭm cheăng mơjiâng túa cheăng vâ mơnhông pêi cheăng kâ ‘na chiâk deăng, hnoăng cheăng thôn pơlê krá tơniăn.

VOV4.Xơ Đăng - Peăng xêi hâi lơ 13/12, a Tíu pêi cheăng Kăn xiâm hnê ngăn, pôa Lương Cường - Kăn xiâm hnê ngăn tơnêi têa hiăng tơdah pôa Sofiane Chaib, Kăn teăng mâ kong têa Algeria troh koh pơ’lâng drêng hiăng tâi hneăng pêi cheăng teăng mâ a tơnêi têa Việt Nam.

VOV4.Xơ Đăng - Kơxo má hâi lơ 13/12, a Hà Nội, Đảng ƀô̆ Khô̆i kơ koan Tơnêi têa hiăng tơkŭm po Roh hôp Khu xiâm pơkuâ ngăn po rơdâ mơgêi Tơdroăng pơkâ kơxô̆ 18 a hâi lơ 25/10/2017 dêi khu xiâm pơkuâ hnê ngăn Tíu xiâm Đảng hneăng 12 “Mâu tơdroăng ki pơtối pơhlêh nếo, ‘mâi rơnêu, xing xoăng hnoăng cheăng khu pơkuâ ngăn dêi khu ngăn cheăng kal kí kal athế iâ ngế, tơdroăng cheăng pêi châ tơƀrê, dâi khât”.

VOV4.Xơ Đăng - Hâi lơ 13/12, Ƀinh đoân 15, ối tung Khu xiâm pơkuâ ngăn lêng tơkŭm po roh hôp trâm mâ drêng koh tơbâ 80 hơnăm Hâi mơjiâng Khu lêng kuăn pơlê Việt Nam ƀă 35 hơnăm Hâi leh kân hnoăng Kring vế tâi tâng kuăn pơlê, tơdroăng pơtâng ki nếo na rak vế, pêi pro hnoăng pêi cheăng kâ, pêi lo kế tơmeăm-kring vế rak tơniăn dêi khu đông lêng.