VOV4.Sêdang -  Hlo pơreăng COVID-19 tâ tú rơ-iô, hên mâu vâi hdrêng thế klâ krê, séa ngăn, pơlât xua tâ pơreăng COVID-19 lơ ối achê ngế ki tâ COVID-19, Khu xiâm ngăn pơkeăng hiăng ai hlá mơ-eá kơxô̆ 7020 ‘na tơdroăng klâ krê mơdât COVID-19 ƀă vâi hdrêng. Ing mê, Khu xiâm ngăn pơkeăng pơlât ăm phêp mơngế rak ngăn châ prôk ƀă ngế hdrêng troh a hngêi pơkeăng pơlât COVID-19, tíu tơdah xo pơlât COVID-19, tíu klâ krê tơchoâm lơ ối ƀă ngế vâi hdrêng drêng klâ kơtăn a hngêi tơhrâ vâ klâ krê ƀă ngế hdrêng, tơniăn pêi pro tŭm tơdroăng hbrâ mơdât COVID-19.

Ƀă mâu ngế rak ngăn vâi hdrêng ôh tá chiâng prôk ƀăng, ối ƀăng vâ rak ngăn mê mâu kăn veăng kum xoăng ăm mâu ngế rak ngăn vâi hdrêng, thế kăn ƀô̆ ngăn pơkeăng, Tíu ăm klâ kơtăn tơchoâm lơ ngế ki pâ râ rak ngăn ngế hdrêng thế rơkê hlê tŭm tơdroăng ‘na rak ngăn, kum ngế hdrêng.

Ƀă vâi hdrêng ki pá xôp 16 hơnăm cho mơngế Việt Nam , ki ối achê ƀă ngế ki tâ COVID-19, thế klâ krê a hngêi 14 hâi riân sap ing hâi ki achê má mơ’nui ƀă ngế ki nhôm ƀă pơtối séa ngăn ivá tung pơla 14 hâi pơtối.

Gương tơplôu ƀă tơbleăng