A troăng kân u ối xú [ê-tông nếo, pôa Y {an sôk ro tó: Ai troăng kân le\m, kơxê ki lâi on veăng pôa xuân râng loăng kơtrá lăm lâp pơlê. Pâ troăng hdrối nah, pôa tối tâng ôh tá ai thôn pơlê nếo, nôkố rơpo\ng xuân ối thế kl^ng péa xua kơtâk:

‘’Hdrối nah xua pá puât, drêng tá hâi ai troăng prôk mê trâm kong mêi tơ’lêi kơtong, prôk môi tiah mê. Klêi kơ’nâi troăng nếo kố hiăng pro kêi đeăng péa pái hâi kố mê sôk ro ‘nâng, prôk tâ sôk ro tung hiâm mơno, kơmăng ôh tá xâu kơchêp kâ, droh rơtăm prôk lăm ôh tá xâu rơxế tơklâm dêi rơpó xếo, ai troăng tu\m tơdroăng tơ’lêi hlâu’’.

Ôh tá xê to châ mơ’no liăn cheăng mơjiâng pro troăng kân, mê [uôn K62 dế châ mơ’no liăn mơjiâng pro plông vâ tơku\m hôp tung tơnêi kân 4 rơpâu met karê. Drêng kêi đeăng, kố cho tíu vâ vâi krâ hôp tơdjuôm, hơdruê xuâng, tơ’noăng ivá. Rơtế [a\ tơdroăng mơ’no liăn mơjiâng pro hngêi trăng, troăng klông, tơdroăng to\ng kum tăng cheăng pêi kum ăm kuăn pơlê mơnhông mơdêk cheăng kâ xuân châ tơnêi têa tơmâng ngăn khât.

Tung pơla kố nah, pơlê K62 hiăng mơjiâng khu tơru\m cheăng păn ro, ai 24 ngế. Ing kơxo# liăn mơjiâng thôn pơlê nếo, cheăm Dak Ndrô hiăng xing xoăng 12 to ro to\ng kum ăm mâu rơpo\ng păn tiô troăng hơ’lêh ăm dêi pó. Ki nhên, klêi kơ’nâi păn ro kơdrâi châ ai ro kuăn má péa, mê ro kăn kô ăm rơpo\ng ki ê păn nếo.

Cho môi tung mâu rơpo\ng châ tơdah păn ro sap ing apoăng, troh nôkố, rơpo\ng ngoh Y Kim Êban hiăng ai tơ’nôm ro kuăn. Y Kim Êban tối:

‘’Nôu pâ á rak ngăn nhên ‘nâng, rak ngăn ro môi tiah mơngế tung rơpo\ng mê há. Klêi kơ’nâi ro kăn ai kuăn mê tâi tâng tung rơpo\ng pơrá sôk ro. Tơnêi têa tơmâng, ăm á ro vâ păn, mơnhông mơdêk cheăng kâ môi tiah mê cho tơtro’’.

Tiô jâ H’Rem, Kăn pơkuâ chi [o# K62, sap ing hngêi hôp tơdjuôm pơlê pơla rơtế tơdjuôm ivá mơjiâng thôn pơlê nếo, tơdroăng rêh ối dêi vâi krâ trâm hên pá puât, nôkố pêi lo liăn rêm pơ’leăng mâ mơngế hơnăm 2017 châ 15 rơtuh liăn môi hơnăm, kơxo# rơpo\ng kơtiê bu ối 13%:

‘’Tơdroăng mơjiâng thôn pơlê nếo a pơlê ngin hiăng ai hên tơdroăng ki châ tơ-[rê. Troh nôkố hiăng ai hên tơdroăng ki hơ’lêh nếo tu\m têk, tơdroăng rêh ối dêi vâi krâ kuăn pơlê hiăng ai tơru\m cheăng, môi tuăn ‘na tơdroăng veăng tơlo, mơjiâng pro hngêi trăng, mơjiâng pro troăng kân…Nôkố hiăng ai troăng prôk, klêi mê prôk lăm tơ’lêi hlâu hên tâ’’.

Mâu tơdroăng ki hơ’lêh rơkê tơtro ing pơlê K62 hiăng kum hên tung tơdroăng mơjiâng dêi thôn pơlê nếo a cheăm Dak Ndrô. Nôkố cheăm hiăng châ 11/19 túa pơkâ mơjiâng thôn pơlê nếo. Tung hơnăm 2018 cheăm hiăng châ tiô pơkâ tơ’nôm 4 túa nếo mê cho: túa pơkâ hngêi trung, túa pơkâ ngăn pơkeăng [a\ khăm pơlât, túa pơkâ ‘na kong prâi [a\ tơdroăng cheăng kal kí [a\ châ ‘nâi luât.

Pôa Ngô Doãn Lịch, Kăn pho\ hnê ngăn Vi [an cheăm Dak Ndrô tối ăm ‘nâi, cheăm dế mơ-eăm troh hơnăm 2020 ‘na re\ng kêi đeăng mơjiâng thôn pơlê nếo:

‘’Vâ kêi đeăng mâu pơkâ ki ê mê ngin athế ai tơdroăng veăng kum dêi khu cheăng kal kí [a\ tơdroăng môi tuăn dêi vâi krâ nho\ng o. Má péa nếo, cho Đảng ủy, Ho#i đông kô hnê mơhno hôm tâ mê nếo vâ tơdroăng mơjiâng thôn pơlê pêi pro tung tơdroăng rêh ối dêi kuăn pơlê. Má pái nếo, Vi [an cheăm kô pêi pro rêm túa ki ku\n tung pơkâ kân, mơhno ing mâu pơkâ ki nhên.

{a\ mâu pơkâ châ tơ-[rê tiô, klêi mê ngin kô mơ-eăm pêi pro kho\m châ vâ túa pơkâ mơjiâng thôn pơlê nếo krá tơniăn. {a\ túa tá hâi châ tơ-[rê mê ngin kơjo túa ki kuăn pơlê pêi pro xêh’’.

Rơtế [a\ tơdroăng ki hlo rế hía rế hên mâu toăng hngêi nếo kân rơdâ, mâu kế tơmeăm khoăng kum tung tơdroăng rêh ối ‘na kế tơmeăm khoăng [a\ hiâm mơno dêi kuăn pơlê, tơdroăng rêh ối phâi tơtô dế hlo a kơpong hơngế hơhgo Dak Ndrô, tơring Krông Nô, kong pơlê Dak Nông, cho mơnhên tơdroăng ki châ tơ-[rê ing mơjiâng thôn pơlê nếo./.

Vũ Nam Trang chêh

A Sa Ly tơplôu [a\ tơbleăng