VOV4.Xơ Đăng -  Kơmăng lơ 9/1, Hô̆i đong Tŏng kum vâi hdrêng Việt Nam (Khu xiâm pơkuâ cheăng pêi – Mô đô̆i rong râ ƀă Rêh ối pơlê pơla) tơkŭm po tơdroăng ngê̆ thuât ‘’Rơnó hơngui ăm o’’ roh má 15. Xông tơpui akố, jâ Võ Thị Ánh Xuân, Kăn xiâm phŏ hnê ngăn tơnêi têa mơnhên ƀă kheăn kơdeăn mâu tơdroăng tuăn pâ, mâu tơdroăng pêi cheăng ki pleăng hnoăng cheăng dêi mâu kơ koan, khu tơrŭm cheăng, ngế krê tung tơnêi têa ƀă kong têa ê hiăng đi đo rơtế, tŏng kum Kơxô̆ liăn vâ rak ngăn, gâk kring vâi hdrêng.

Akố, mâu tíu cheăng, khu tơrŭm cheăng, khu tê mơdró, khu tŏng kum mơngế pá puât hiăng diâp kơxô̆ liăn tŏng kum vâi hdrêng ai tơdroăng rêh ối pá puât ing Kơxô̆ liăn tŏng kum vâi hdrêng Việt Nam, ƀă tâi tâng kơxô̆ liăn lối 104 rơtal liăn. Hluâ 14 xôh tơkŭm po, tơdroăng kố hiăng mơhnhôk châ lối 1 rơpâu 200 rơtal liăn ƀă tŏng kum ăm dâng 1 rơtuh roh vâi hdrêng ing mâu tơdroăng phá tơ-ê dêi pó. Tơdroăng ‘’Hơngui ăm o’’ roh má 15, hơnăm 2022, ƀă dó inâi ‘’Xua kơxo ah eăng lĕm’’, vâ tŏng kum vâi hdrêng tro tơdjâk xua pơreăng kân COVID-19.

A Sa Ly tơplôu ƀă tơbleăng