Ki xiâm dêi tơdroăng Tơkêa bro VPA/FLEGT mê cho, Việt Nam tơkêa mơjiâng [ă mơnhông mơdêk tơdroăng kring vế loăng i tơniăn dêi Việt Nam tơtro [ă tơdroăng ki xiâm dêi Việt Nam [ă pơkâ dêi châu Âu vâ mơnhên tối, mơ’no tối ki xiâm dêi khu loăng, maluâ mê cho loăng ki chiâng phêp ăm ko kếo tung tơnêi têa lơ loăng ki rôe ‘mot ing kong têa ê, tung hnoăng cheăng ki vâ mơnhên mơhno ăm kơ koan ki chiâng phep dêi Việt nam ăm hlá mơ-éa phêp FLEGT ăm mâu khu loăng [ă kế tơmeăm loăng dêi Việt Nam châ mơ’no tê troh a châu Âu. Mâu khu loăng [ă tơmeăm ki mơjiâng pro ing loăng dêi Việt Nam ai hlá mơ-éa phep FLEGT kô ôh tá pêi pro tiô hnoăng cheăng ki mơnhên tối ‘na xiâm rêi loăng ki tơtro drêng mơ’no tê loăng mot tung châu Âu. Tơdroăng kố tơkéa vâ tối, hlá mơ-éa phep FLEGT kô hơ’lêh tâi tâng mâu khu hlá mơ-éa ki ê ki pơla kố, khu mơdró kâ ki mơ’no tê loăng [ă mâu tơmeăm ki châ mơjiâng ing loăng dêi Việt Nam dế athế nâp ăm khu ki vâ rôe xo loăng dêi châu Âu vâ mơnhên tối xiâm rêi ki tơtro ăm loăng.

Séa mơnhên ngăn kơdo mơ-eăm kân khât dêi Việt Nam tung po roh hôp [ă k^ tơkêa, mê pôa Bruno Angelet, Kăn teăng mâ dêi Khu châu Âu a Hà Nội hiăng tối, Việt Nam cho tơnêi têa má péa a kơpong châu Á ki châu Âu hiăng k^ tơkêa tơdroăng kố, klêi kơ’nâi Indonesia. Riân sap ing hâi kơ’nâi Indonesia pơkâ pêi pro mâu tơdroăng ki ăm hlá mơ-éa phep FLEGT, tơmeăm loăng dêi tơnêi têa kố hiăng ai tơdroăng thăm mơdêk rế ó a châu Âu tâng vâ pơchông ngăn [ă hdrối nah. Tơmeăm loăng Việt Nam xuân châ mơnhông mơdêk ó drêng tơdroăng Tơkêa bro kố hiăng châ pêi pro, xua Việt Nam dế ai hên loăn kong ki pêt, la ga xuân rôe hên loăng ing kong têa ê, tơniăn. Châu Âu pơtối veăng kum ăm Việt Nam tung mơjiâng tơdroăng rak vế loăng krá tơniăn ăm Việt Nam [ă hnối ăm hlá mơ-éa phep FLEGT. Pôa Bruno Angelet, Kăn teăng mâ khu pơkuâ cheăng châu Âu a Hà Nội mơnhên tối:

‘’Pin dế kơdo mơ-eăm rak vế, pêi pro tiô tơdroăng Tơkêa kố [ă drêng xêt khât ah pin nếo kâi châ rak vế ngăn kong, rak vế mâu tơmeăm khoăng ki chiâng xêh, cho ‘’xôu dêi rêm ngế’’, mê xuân cho tơdroăng ki kơdo mơ-eăm vâ kơdroh iâ ki tô téa dêi lâp plâi tơnêi, xua hyôh kong prâi thăm rế tô. Ngin ai tối nhên tiah kố, rak vế ngăn kong cho môi tung mâu tơdroăng cheăng ki kal, [ă tơmeăm ki mơjiâng ing loăng kong tung lâp plâi tơnêi nôkố cho môi tung mâu tơmeăm khoăng ki pin chiâng vâ veăng mơhno túa ki le\m tơtro, krá tơniăn tung lâp plâi tơnêi [ă hnối kơdroh hyôh kong prâi tô drêng ga ai tơdjâk hên troh a Việt Nam [ă kơpong châu Á’’.

Tiô pôa Hà Công Tuấn, Ngế xiâm pho\ ngăn ‘na chiâk deăng [ă mơnhông thôn pơlê tối, tá troh drêng pơxiâm ăm hlá mơ-éa phep FLEGT, loăng [ă tơmeăm ki pro ing loăng châ rôe ing Việt Nam kô pơtối châ pêi pro tiô hnoăng cheăng ki mơnhên ‘na xiâm kối dêi loăng tro tiô tơdroăng pơkâ dêi châu Âu vâ rak vế tơdroăng ki ôh tá tơniăn ‘na rôe loăng [ă tơmeăm loăng ki pro ing loăng ôh tá tro luât tê tung kơchơ châu Âu. Ki ê nếo, châu Âu kô to\ng kum pro tơ’lêi hlâu ăm loăng [ă mâu tơmeăm ki mơjiâng pro ing loăng ai hlá mơ-éa phep FLEGT a mâu tíu ki rôe xo kố.

Pak^ng mâu tơdroăng ki ai pơxúa ‘na pêi cheăng kâ, rêh ối pơlê pơla [ă tơnêi tíu tung hnoăng ki pơkuâ ngăn kong le\m tro a Việt Nam, tơdroăng ki ăm hlá mơ-éa phep FLEGT kô kum thăm mơdêk ki loi tơngah ing kơvâ uâ bro tơmeăm khoăng ing loăng dêi Việt Nam ti xê to a mâu hngêi kơchơ dêi châu Âu mê ối ai a mâu hngêi kơchơ ki mơ’no tê, mê cho mâu kơchơ ki dế rế hía rế kal vâ tăng rôe hên ‘na loăng ki tro tơdroăng. Pôa Hà Công Tuấn, Ngế xiâm pho\ ngăn ‘na chiâk deăng [ă mơnhông thôn pơlê tối nhên, Tơdroăng tơkêa VPA/FLEGT hnối pơtroh tơdroăng ki ó rơdêi ‘na tơdroăng tơkêa dêi Việt Nam [ă châu Âu [ă tơdroăng thăm mơdêk rak vế, pêi pro tiô tơdroăng ‘’Mơdró kâ [ă mơnhông krá tơniăn’’ dêi tơdroăng tơkêa tê mơdró kâ tơ’lêi hlâu Việt Nam-châu ÂU, tung mê, ai tá tơkêa dêi Việt Nam [ă châu Âu ai tá tơdroăng pơkâ ‘na pơkuâ ngăn kong krá tơniăn [ă mơdró kâ ‘na loăng kong:

‘’Á loi tơngah [ă tơdroăng kơdo mơ-eăm dêi pin, rơtế [ă tơdroăng tơru\m cheăng peăng châu Âu kơnôm ing tơdroăng ki nôkố ai 1 khu ki xiâm tơru\m cheăng tơdjuôm 2 pâ, vâ rêm pâ pơrá ai tơdroăng kơdo mơ-eăm vâ pêi pro tơtro [ă tơrêm pâ pói vâ. Xuân pói rơhêng vâ tiah kố, khế 6 hơnăm 2020 mơni ai hlá mơ-éa phep FLEGT ki apoăng dêi Việt Nam [ă mâu loăng [ă kế tơmeăm ki mơjiâng pro ing loăng mơ’no tê troh a châu Âu’’.

VOV1 chêh

Nhat Lisa tơplôu [ă tơbleăng