Pôa Dương Quang Cường, Kăn pơkuâ ngăn Ko\ng ti cheăng tiô rơnó, môi tung khu pêt kơphế Ea Hnin, ối tung khu xiâm Ko\ng ti kơphế Việt Nam tối ăm ‘nâi, dế kố, khu kố dế pơkuâ ngăn 7 rơchôa, hno têa. Mâu tơmeăm kố, ki hên hiăng châ mơjiâng pro kơtăn kố lối 20 hơnăm, châ mơjiâng, tơbêng, kơtâk pro [ă tơnêi, ôh tá ai meăn pro [ê tong, hiăng tơ’nhê ó khât, la ôh tá ai kơxo# liăn ki vâ ‘mai rơnêu. Ki tô tuăn akố, malối rơchôa long têa a cheăm Ea Ning, tơring }ư\ Kui`, kong pơlê Dak Lak hiăng tro kuăn pơlê hdi tơbriât tơnêi, chiâ kloh păn ká a pá kơdâm rơchôa, pro xâu xía ó ‘nâng.

‘’Mâu long rơchôa ki kố pơrá châ mơjiâng pro hdrối mâu hơnăm 1990, troh nôkố hiăng pá u dâi xếo. Khu pơkuâ ‘na tơdroăng cheăng kố dế hiăng vâ pơtê cheăng, kơxo# liăn pêi cheăng trâm pá. Mâu tơdroăng ki pơkâ ‘na rơchôa, hno têa mê ngin xuân tá hâi teăm châ pêi pro, u ối hên tơdroăng ki tá hâi tơtro. Tâi tâng mâu rơchôa, long têa akố pơrá cho tơná kuăn pơlê chiâ, kơtâk pro dêi xêh, xua lối hiăng ton mê kong mêi, têa mơhiu lôi tơnêi a kơpong kố. Troh nôkố, tâi tâng pơrá hiăng tơ’nhê, kal athế ‘mâi rơnêu. Tâng kong mêi ton hâi, mê kô ôh tá hluăn ing tơdroăng tơhnah rơchôa’’.

Khu xiâm ngăn ‘na rơchôa, long têa lăm ngăn rơchôa, long têa a tơring }ư\ Kuin, kong pơlê Dak Lak

Xuân môi tiah mê, rơchôa têa Ea Puôr dêi Ko\ng ti pêi cheăng tiô rơnó, môi tung khu pêt kơphế Ea Ktur, xuân ối a cheăm Ea Ning, tơring }ư\ Kuin châ mơjiâng pro sap a hơnăm 1989 nah, nôkố hiăng tơ’nhê hên ó. Tíu ki mơ’no tah têa ôh tá chiâng vâ kl^ng pơxi, têa ối châ hiu hên pá kong. A rơnó mê hngê, têa plế tơkâ tơdrăng ngâ rơgâ rơchôa, pro mơhiu tơnêi tung kơdó, pro kơdó plo\ng lo têa, tơ’lêi vâ tơhnah rơchôa, xâu xía ó ‘nâng.

Ki hên rơchoa, long têa dêi Ko\ng ti xiâm Kơphế Việt Nam châ tơbêng kơtâk [ă tơnêi hiăng tơ’nhê la ôh tá ai liăn vâ ‘mâi rơnêu

Tiô Khu xiâm pơkuâ Ko\ng ti Kơphế Việt Nam tối, khu kố dế ai 125 rơchôa, long têa tơku\m hên cho a Dak Lak. Tâi tâng mâu rơchôa, long têa kố hiăng châ mơjiâng pro kơtăn kố ai sap ing 20 troh 30 hơnăm hdrối nah, tung mê, ai dâng 2/3 rơchôa, long têa ôh tá ai hồ sơ mơjiâng pro; xua tơná khu pơkuâ ngăn ‘na pêi chiâk pêi deăng mơjiâng pro dêi xêh, ôh tá ai túa ki vâ rak ngăn lơ xúa tro tơdroăng.

Pôa Lê Thế Chỉ-Kăn pho\ pơkuâ ngăn Ko\ng ti xiâm Kơphế Việt Nam mơnhên tối, lối chât hơnăm kố, khu kố ôh tá ai liăn vâ ‘no mơjiâng pro mâu rơchôa, long têa; hnoăng cheăng pơkuâ ngăn ‘na tơmeăm khoăng akố ối trâm hên pá puât.

‘’Ai hên mâu rơchôa, long têa hiăng tơ’nhê ó ‘nâng. Rêm hơnăm, tơdroăng pơkuâ ngăn mê, tâng vâ tối păng ‘nâng, mâu rơchôa, long ki achê khu pơkuâ cheăng, mê khu ki mê pơcháu ăm kuăn pơlê ki ai hngêi achê mê rak ngăn, môi tiah tơdroăng ki ăm mung, ai tơdroăng klâi mê kô tối tơbleăng.

Tơdroăng pơcháu hnoăng cheăng rak ngăn ga tiah mê, la ôh tá ai khu ki pơkuâ ngăn ‘na tơdroăng ki ngăn kơvâ ki kố [ă pêi pro tiô túa kih thuât. Môi tiah tơdroăng pâ thế dêi Khu pơkuâ ngăn, dêi mâu kơvâ cheăng mê Khu xiâm ngăn ‘na Ko\ng ti Kơphế Việt Nam ôh tá ai ivá vâ pêi pro’’.

Tung lâp kong pơlê Dak Lak dế kố ai vâ chê 780 rơchôa, long têa, tung mê, ai 33 tơmeăm khoăng ki kân hiăng châ pơcháu ăm Ko\ng ti pêi cheăng tiô rơnó, Môi tung Khu pơkuâ ngăn ‘na rơchôa, long têa ki pơkuâ, rak tơniăn kơxo# ki u ối pơcháu ăm Vi [an hnê ngăn tơring pơkuâ ngăn.

Pôa Mai Trọng Dũng, Kăn pho\ pơkuâ ngăn ‘na Chiâk deăng [ă Mơnhông thôn pơlê dêi kong pơlê Dak Lak tối ăm ‘nâi, ai hên mâu tơmeăm khoăng dêi Ko\ng ti xiâm Kơphế Việt Nam hiăng tơ’nhê, la ôh tá ai liăn ngân vâ ‘mâi rơnêu, ối ai hên tơdroăng ki xâu xía.

‘’Mâu tơmeăm khoăng dêi Khu xiâm ngăn ‘na Kơphế Việt Nam tung mâu hơnăm achê pơla kố ôh tá ai liăn vâ ‘no. Mâu ko\ng ti kơphế ki u ối tung khu kố tối, nôkố ôh tá ai liăn ngân, kal ‘mâi rơnêu ki pơtân xuân ôh tá ai, xua ti mê, ai hên tơmeăm khoăng hiăng tơ’nhê hên ó. Ai mâu tơmeăm khoăng, rêm roh kong mêi kân mê ngin rơtế [ă khu kăn pơkuâ tơring cheăm tơru\m, thăm nếo tâ prêi tung kơxâk vâ kâng kơdât têa vâ pôi tá ăm têa pêng plế troh a’ngêi, la ga tơ’nhê ó ‘nâng’’.

Nếo achê pơla kố, klêi kơ’nâi séa mơnhên ngăn ki ai păng ‘nâng [ă hnối pêi cheăng [ă Khu kăn Vi [an hnê ngăn kong pơlê Dak Lak, pôa Nguyễn Văn Tỉnh, Khu xiâm ngăn ‘na rơchôa, hno têa hiăng mơhno tối ki tô tuăn drêng ai tơdroăng ki tơ’nhê dêi lối chât to rơchôa, long têa a tơring, cheăm, tung mê, ai hên tơmeăm khoăng cho xua Khu xiâm ngăn Ko\ng ti dêi Kơphế Việt Nam pơkuâ ngăn.

Ngế xiâm hiăng pơkâ thế kong pơlê Dak Lak [ă Khu xiâm Ko\ng ti kơphế Việt Nam kal athế ‘no kơxo# liăn vâ ‘mâi rơnêu mâu tơmeăm khoăng ki tơdrêng, vâ môi tuăn ‘na tơdroăng pơcháu mâu tơmeăm khoăng, rơchôa, long têa ăm tơring cheăm pơkuâ ngăn vâ kring vế tơniăn:

‘’Hnoăng cheăng ‘na pơkuâ ngăn tơniăn rơchôa, long têa cho dêi Vi [an hnê ngăn râ kong pơlê. Maluâ kăn ki pơkuâ ngăn cho dêi Khu xiâm ngăn ‘na Ko\ng ti kơphế, laga, Vi [an hnê ngăn kong pơlê xuân athế ai hnoăng pôu râng tơniăn ăm rơchôa, long têa. Rơchôa long ki kân mê ngin kô hlo tơniăn tâ, ki ku\n, ki malối cho a Dak Lak ôh tá tơniăn. Long ki ku\n ki hên cho pơcháu ăm tơring, ăm cheăm, ki má péa nếo Khu xiâm ngăn Ko\ng ti kơphế. Ngin tô tuăn ‘nâng tơdroăng ki pơcháu ăm khu ki pơkuâ, tiô ngin hmâ hlo tơdroăng ki pơcháu rak ngăn mê ôh tá tơniăn. Tơdroăng kố kal athế pêi pro kơhnâ khât tâ tơdroăng pơkuâ ngăn, mê cho bu pơcháu ăm khu ki lâi ki ai ivá; ôh tá ai ivá mê athế pôi tá pơcháu ăm vâi rak ngăn’’.

Rơnó mê hngê hiăng troh, lối hr^ng rơchôa, long têa a kong pơlê Dak Lak hiăng tơ’nhê ó, tung mê, ai lối chât tíu ki kal, ai phá tơviah ki klâi [ă kơtong ki dâ hdoăng têa ki kơtúa a’ngêi. Khu kăn pơkuâ ngăn kong pơlê, tơring, cheăm, kơvâ cheăng [ă Khu xiâm ngăn Ko\ng ti Kơphế Việt Nam kal pơkâ pêi pro tro tiô tơdroăng ki kal re\ng tơdrêng, klêi mê, hnối ai hnoăng cheăng ki ton la ngiâ vâ tơniăn ăm tâi tâng rơchôa, long têa, vâ kơ tơniăn bê têa tôh ăm mâu hdrê loăng pêt.

Quốc Học chêh

Nhat Lisa tơplôu [ă tơbleăng