VOV4.Sêdang - A mâu siêu th^, kơchô ki xiâm xuân châ ngăn cho tíu ki châ séa ngăn kơtăng khât ‘na xiâm kối mâu kế tơmeăm kâ vâ rak tơniăn tơdroăng ki pro rak krúa ăm mâu ngế ki roê kâ. Laga, tung pơla kong prâi tô, hên kế tơmeăm tá hâi châ tê hiăng re\ng răng ho\n, phong xuân ối hlo tê. Tơdroăng kố thăm rế pro mâu tơdroăng ki tô tuăn ăm mâu ngế ki roê xúa tung pơla hlo hên h^n mâu kế kâ ôh tá krúa môi tiah ai dế nôkố. Ngế chêh hlá tơbeăng ki chêh ‘na tơdroăng kố ai chêh tối:

Tơdroăng ki rơ-iô sap ing kế tơmeăm kâ ki ôh tá krúa, ôh tá ‘nâi xiâm kối roê ing lâi, mơjiâng pro ing lâi pơtối châ hlo tê hên h^n tung pơla achê kố, pro mâu ngế ki roê kâ xâu khât ‘na tơdroăng ki ôh tá krúa kế kâ tung pơla rôh kâ hmê rêm hâi dêi rơpo\ng hngêi. Rah xo kế kâ ki tê a siêu th^ lơ a kơchô ki xiâm nho\ng o kuăn pơlê kal kơdroh iâ rôe kế kâ ki hiăng uâ pơliê, mơdiê hlâu, mâu tơmeăm ki mê hên ngế kal hbrâ ví [ă tơdroăng kế kâ ki ôh tá krúa. Laga, ki khât gá, tá hâi môi tiah mê. Nâ Nguyễn Thị Thanh, hngêi ối a troăng Ama Jhao, pơlê kong kơdrâm {uôn Ma Thuột, kong pơlê Daklak, xua ôh tá rah xo xêh nhên mê hiăng tro roê xo xêh kế kâ ki hiăng phong: Hmếo pơ tơmiât á roê kơchâi, plâi, kế kâ a kơchô ki xiâm, a siêu th^ gá kô krúa la ôh tá krúa tâi ôh. Hên roh á xuân roê tro xêh mâu kế tơmeăm ki hiăng u\m, hiăng phong. Môi tiah to lâi hâi kố, ôh tá ‘nâi kâ klâi ôh tung mâu túa kơ châi plâi, hơ’nêh mâm, ká tê a kơchô ki xiâm roê kâ tâ châi klêa môi tiah kố. Mơhé á hiăng kâ tô, ôu chên la xuân ối tro châi klêa ó.

Ôh tá châ tê dêi tâi tơmeăm, ôh tá ai kơbố vâ roê, tơ’nôm [ă kong prâi tô hơ’lêh chiâng mêi pro kế kâ re#ng chôu, re\ng phong. Vâ ví tơdroăng ki tro lu\p kế tơmeăm, hên ngế ki tê mơdró hiăng pro ôh tá vâ hmâng ‘na hnoăng cheăng rak krúa kế kâ. Drêng ‘nâ kế tơmeăm ôh tá krúa, ôh tá dâi le#m, vâi xuân kơdroh yă tê vâ xo tơvêh dêi kơxo# liăn ‘no rôe mâu tơmeăm ki mê. Ngoh Trần Văn Đức, ngế ki hmâ roê mâu kơchâi, plâi a kơchô ki xiâm Tân An, pơlê kong kơdrâm {uôn Ma Thuột, kong pơlê Daklak tối: Kế tơmeăn troh, á xing xoăng tê tung hâi ki mê hlối, tê hlối xua kố cho mâu kế tơmeăm ki ôh drêh, ôh tá chiâng lôi ton. Tâi tâng kế tơmeăm kố ôh tá xê cho kế tơmeăm ki chiâng lôi ton, la xuân ai hâi ki ‘nâ ôh tá tê tâi dêi kế tơmeăm, vâ xo tơvêh dêi kơxo# liăn xuân athế lôi troh hâi kơ’nâi ah nếo vâ tê. Tối tơdjuâm, sap nah xuân ôh tá ai kơbố séa ngăn, kế tơmeăm pin, pin tê yoh.

‘Măn rak kế kâ drêng tá hâi châ châ tê tâi tung kong prâi tô hơ’lêh chiâng mêi dế ối cho tơdroăng ki ai hên kuăn mơngế rơhêng vâ tơmâng ngăn. Tiô kih sư Lê Hồng Tân, ngăn ‘na kơvâ rak krúa kế kâ tối, mơhé kế kâ hiăng châ séa ngăn xiâm kối, rak tơniăn ki dâi le#m, la tâng ôh tá rak vế tro mê kế kâ kô re#ng tơ’nhiê. Mâu kế kâ ki hiăng phong, hiăng vâ tơ’nhiê kố tê ăm mâu ngế ki roê xúa pro thăm rế ai hên trếo pro pôu ‘mêi tung kế kâ, pơreăng tâ tú ing kế kâ ăm kuăn pơlê kô hên.

Tiô kih sư Lê Hồng Tân, vâ rak krúa le#m kế kâ, mâu ngế ki roê xúa kal rah xo, roê xúa xêh mâu kế kâ ki ối drêh, kế kâ ai inâi, te\m tem tê a mâu tê mơdró, malối athế tơtro\ng hâi khế ăm phêp xúa. {ă tơdroăng ki rak vế kế kâ tâ tung kơtuh hngiú kal tơtro\ng: Kơtuh hngiú ai tơdjâk troh pro hrá tơdroăng ki hơ’lêh dêi kế kâ, kơdroh tơdroăng ki chiâng [ă xông kân dêi mâu kuăn kiâ pro tơ’nhiê kế tơmeăm xua tơdroăng ki kơdroh tô hngiú [ă ki hngiâm kơchoh. Tâng ‘măn hên luâ râ kế kâ tung kơtuh hngiú, kế kâ ki ối drêh tơvât [ă kế kâ ki hiăng chên, kô thăm chiâng ai  ki ‘mêi ‘na kế kâ, pro kế kâ re#ng phong. Kih sư Lê Hồng Tân, ngăn kơvâ chiâk deăng, Hngêi trung Đăi hok Tây Nguyên tối: Tơdroăng ki roê kơchâi plâi, hơ’nêh mâm, ká ki ối drêh hiăng tơpá, la ‘na ki rak vế tiah lâi tung pơla pro rak krúa ối pá tâ nếo. Xua mê, pin athế kơdroh iâ tơdroăng ki ‘măn kơtuh hngiú ton, ai roh pin athế roê ki ối drêh, ối rêh [ă uâ pơliê, mơdiê xêh rêm hâi. Tâng kế kâ lôi ton gá ôh tá krúa le#m, mê ki tro má môi athế kâ tô, ôu chên. Tâng athế ‘măn rak, tiô á rêm kế kâ ai ki tô hngiú tơ-ê dêi rơpó, môi tiah hơ’nêh mâm lôi ton pin athế ‘măn tung kơbong ki khăng, ‘măn tung ki lía. Lơ kơxuô vâ gá hrik xo ki hngiâm [ă kơchâi plâi vâ pôi tá re\ng u\m, re\ng ho\n.

Gương prế Katarina Nga tơplôu [ă tơbleăng