Ngoh Lê Như Xa, ối a thôn 3, cheăm Nhân Cơ, tơring Dak Rlấp tê mơdró kơphế [a\ mâu têa ôu hiăng hên hơnăm kố. {a\ ki phá tơ-ê tíu ôu kơphế kân rơdâ, phuâng le\m [a\ kal xúa on tơhrik vâ mơ’no on [â eăng, mâu tơmeăm pế kơtâu [a\ on tơhrik, tơvi, mơ’no [ai hơdruê ăm tơmối tơmâng. {a\ troăng kơxái on tơhrik tơniăn môi tiah dế nôkố hiăng kum tơdroăng tê mơdró dêi rơpo\ng ngoh trâm hên tơ’lêi hlâu, [a\ pêi lo liăn tơniăn tâ lối 10 rơtuh môi khế klêi kơ’nâi hiăng xêo liăn mơ’no.

‘’Rơpo\ng á po tíu ôu kơphế, hdrối nah a rơnó tô, kong tô tâng ôh tá ai on tơhrik mê tơmối ôh tá troh xếo. Môi péa hơnăm achê kố mê xúa on tơhrik hlo tơtro ‘nâng, ai on tơhrik tơ’lêi tê mơdró, tơdroăng ôh tá ai on tơhrik lơ on tơhrik tro ti tit ôh tá ai xếo, xua mê tơmối troh ôu hên, kum ăm ki pê [a\ kế ki kum tung tê mơdró le\m tâ’’.

Xuân môi tiah hên vâi krâ ki ê ki pêi chiâk deăng, pôa Nguyễn Văn Thức, ối a thôn 2 cheăm Nhân Cơ, tơring Dak Rlấp tối ăm ‘nâi, mâu hơnăm hdrối nah, xua chiâk deăng ối a hơngế kơpong kuăn pơlê rêh ối kơdrâm, tá hâi ai on tơhrik, xua mê pôa [a\ rơpo\ng ki ê thế xúa kơmăi tu tuh vâ tôh kơphế. Hên xôh kơmăi tu tuh tơ’nhê, khoh chiâng pơtê tơdroăng tôh tiu, tơdjâk kân troh tơdroăng xông kân dêi loăng pêt [a\ mơdoh hên chôu.

Laga nôkố hiăng ai on tơhrik, tơdroăng hrik têa tôh prá alâi tơ’lêi hlâu tâ, kơd^ng tâ tâng pơchông [a\ hdrối nah, kum ăm mâu rơpo\ng pêi chiâk deăng tơniăn tâ. Pôa Nguyễn Văn Anh, hơ’muăn tối:

‘’Drêng nếo klâ kong pơlê mê on tơhrik tá hâi ai, rêm rôh tôh kế tơmeăm pêt, uâ kơphế mê xúa kơmăi tu tuh tâi tâng, kơxo# liăn mơ’no hên, nôkố ai on tơhrik xúa ki klâi xuân tơ’lêi hlâu, ối kơdroh kơxo# liăn ăm kuăn pơlê pêi chiâk deăng, thăm nếo, xúa on tơhrik rơpâ, tơ’lêi hlâu, ôh tá mơdoh hên hnoăng cheăng, xua mê, pêi cheăng xuân châ hên tâ, ai on tơhrik pêi chiâk deăng xuân tơniăn hên tơdroăng’’.

Pôa Nguyễn Văn Thành, Pho\ hnê ngăn Vi [an cheăm Nhân Cơ tối ăm ‘nâi, Nhân Cơ cho cheăm tro tiô pơkâ thôn pơlê nếo a hơnăm 2015 [a\ 11 thôn pơlê pơrá hiăng ai on tơhrik. Laga mâu hơnăm achê pơla kố, kơnôm tơmâng [a\ mơ’no liăn tâp trăng hnhâng kơxái on tơhrik troh mâu pơlê ối pá puât, kơpong hdroâng kuăn ngo a mâu thôn, pơlê ki ai tơdroăng rêh ối kuăn pơlê hiăng mơnhông tơtêk.

Ing mê, kum vâi krâ hơ’lêh túa pêi chiâk deăng, hơ’lêh hdrê pêt châ tơ-[rê, kum mơdêk tơdroăng rêh ối. Pôa Nguyễn Văn Thành, Pho\ hnê ngăn Vi [an cheăm Nhân Cơ tối ăm ‘nâi:

‘’Tâng pơchông [a\ mâu hơnăm hdrối drêng tá hâi ai on tơhrik troh mâu kơpong kuăn pơlê rêh ối hơngế hơngo mê tơdroăng mơnhông mơdêk cheăng kâ dêi kuăn pơlê ối pá puât. Ki rơhêng vâ tối tung mơnhông mơdêk pêi chiâk deăng, xúa kơmăi kơmok, tơbleăng ‘na khôi túa, tơbleăng tung rơ’jíu, um tơvi ối pá puât, laga sap ing ai on tơhrik vâi krâ phiu ro, [a\ ai tu\m tâi tâng kơmăi kơmok, kơtuh hngiú, um tơvi, xua mê, tung tơdroăng pơtâng troăng hơlâ dêi Đảng [a\ Tơnêi têa xuân tơtro. Tơdroăng mơnhông cheăng kâ [a\ mơnhông rêh ối pơlê pơla mê mơdêk khât’’.

Nôkố tâi tâng tơring Dak Rlấp ai lối 23 rơpâu ngế nho\ng o k^ xúa on tơhrik [a\ kơlo xúa 6 rơtuh kWh 1 khế. Vâ kum tơtro tung tơdroăng xúa on tơhrik dêi kuăn pơlê, ko\ng ti on tơhrik Dak Rlấp hiăng mơ’no liăn ‘măn 203 kơmăi klâ xoăng on tơhrik [a\ vâ chê 350 km troăng kơxái ai ivá krâ kơvâ, 380 troăng kơxái on ki ai ivá ôh tá têi.

Pôa Trần Minh Huy, Kăn pơkuâ on tơhrik Dak Rlấp tối ăm ‘nâi, [a\ tơdroăng mơnhông re\ng mơjiâng thôn pơlê a pơlê pơla, kơvâ on tơhrik đi đo tơmiât troh pơkâ xiâm, xing xoăng on tơhrik ăm kuăn pơlê tơtro khât. Kơnôm ai on a thôn pơlê, ki má lối mâu cheăm k^ re\ng kêi đeăng mơjiâng thôn pơlê nếo pêi hôm khât. Nôkố tơring Dak Rlấp ai 8/10 cheăm tơtro tiô pơkâ kơxo# 4, châ 80%, kơxo# rơpo\ng xúa on tơhrik đi đo, tơniăn châ 95% kơxo# rơpo\ng ki xúa. Pôa Trần Minh Huy, Kăn pơkuâ on tơhrik Dak Rlấp mơnhên:

‘’Túa pơkâ kơxo# 4 ‘na thôn pơlê nếo tơniăn mê tơdroăng hnhâng kơxái on tơhrik tung tơring lơ po rơdâ tíu ki ê mê tơdroăng hnhâng kơxái on tơhrik kô châ pêi pro tơtro tâ, tơniăn tâ. Kuăn pơlê xúa on tơhrik hên xua pơkâ kơxo# 4 trâu hơngế [a\ hên túa pơkâ ku\n, [a\ mơnhên tâi tâng tơdroăng xing xoăng on tơhrik, tâng châ tiô pơkâ mê tơdroăng tơniăn [a\ on tơhrik ăm xúa kô tơniăn tâ’’.

Tiô pơkâ, tung la ngiâ, on tơhrik Dak Rlấp kô thăm mơdêk mơ’no liăn po rơdâ tâp trăng hnhâng kơxái on tơhrik, mơjiâng nếo [a\ mơdêk ivá mâu kơmăi klâ xoăng on tơhrik nôkố, vâ tơdâng tơ’mô ‘na on tơhrik, mơdêk kơxo# rơpo\ng xúa on tơhrik đi đo tâ a mâu cheăm thôn pơlê tá hâi tơtro ‘na túa on tơhrik./.

Hoàng Qui chêh

A Sa Ly tơplôu [a\ tơbleăng