VOV4.Sedang - Kơxo lơ 27/5,  Khu xiâm ngăn hnê hriâm ƀă hnê mơjiâng tuăn ngôa rơkê tơkŭm po hôp mơ’no tơdrêng tung um tơvi ƀă 63 to kong pơlê, pơlê kong kân ‘na tơkŭm po tơ’noăng mơgêi hriâm râ má pái phôh thong hơnăm 2021. Khu xiâm ngăn hnê hriâm ƀă hnê mơjiâng tuăn ngôa rơkê tối xuân mơ-eăm tơkŭm po hneăng tơ’noăng mê, la thế po tơniăn ƀă kơtăng mê ki ahdrối.

Tiô Khu xiâm ngăn ‘na hnê hriâm ƀă hnê mơjiâng tuăn ngôa rơkê, ƀă hok tro lâm 12, nôkố hiăng ai 18 ngế F0, 394 ngế F1, ki hên a 4 to kong pơlê Bắc Giang, Bắc Ninh, Hà Nam ƀă Điện Biên. Mơhé ti mê, xua hiăng hlê tung tơdroăng tơkŭm po tơ’noăng tung hơnăm nah mê Khu xiâm xuân mơ-eăm tơkŭm po hneăng tơ’noăng rôh kố.

Nôkố hiăng mơjiâng hlá mơ-eá hbrâ ví ƀă mâu tơdroăng ki ê. Khu xiâm ngăn hnê hriâm ƀă hnê mơjiâng tuăn ngôa rơkê xuân thế mâu kong pơlê mơjiâng mâu hlá mơ-eá nhên vâ tơkŭm po hneăng tơ’noăng tung pơla ai pơreăng COVID-19.

Gương tơplôu ƀă tơbleăng