VOV4.Sêdang - Kơxo lơ 22/4, Vi ƀan kong pơlê Thái Nguyên tơkŭm po tơpui tơno tơrŭm cheăng mơnhông ôm hyô 6 kong pơlê Việt Bắc: Hà Giang, Tuyên Quang, Bắc Kạn, Cao Bằng, Thái Nguyên, Lạng Sơn. Klêi kơ’nâi lối 10 hơnăm tơrŭm ôm hyô pơla 6 kong pơlê Việt Bắc tiô  tơdroăng “vâ xêh – tơdâng tơ’mô – châ tơ-ƀrê – rơtế châ pơxúa” hiăng châ tơƀrê nhên; troăng ôm hyô châ tơrŭm, kơxô̆ tơmối ôm hyô đi đo tâk ing mâu hơnăm ƀă kơlo dâng lối 16%.

Tơbleăng tơmeăm ƀă kế tơmeăm mơnhông ôm hyô mâu kong pơlê

Roh tơpui tơno châ hên rơkong tơpui dêi khu râ kăn pơkuâ, khu tê mơdró ôm hyô vâ thăm mơnhông tơrŭm ôm hyô tung kơpong, mơjiâng tơmeăm ôm hyô rế hía rế dâi lĕm, tơxâng tiô pơkâ dêi tơmối. Khu pơkuâ ôm hyô mâu kong pơlê Việt Bắc hiăng kĭ tơkêa môi tuăn tơrŭm mơnhông ôm hyô ƀă Khu pơkuâ ôm hyô pơlê pơla.

Mâu khu tê mơdró 6 kong pơlê Việt Bắc kĭ tơkêa tơrŭm cheăng ƀă mâu khu tê mơdró pêi ‘na ôm hyô Hà Nội, Pơlê kong kân Hồ Chí Minh.

A Sa Ly tơplôu ƀă tơbleăng