Rơpo\ng jâ Nguyễn Thị Mười, ing kong pơlê Bến Tre to a cheăm tíu tơkăng kong Ia Lốp, tơring Ea Súp, kong pơlê Dak Lak mơjiâng cheăng kâ nếo vâ chê 20 hơnăm kố. Hâi khế apoăng, rơpo\ng trâm hên pá puât xua tơnêi iâ, liăn iâ, mâi nâ tơngê plâ hơnăm. Hơnăm nah, mâu kăn [o# lêng cheăng kâ – Khu lêng 737 hiăng troh to\ng kum 1 to ro hdrê [a\ 100 to chêm peâp kong rơtế 5 tă báu vâ păn mơnăn mơnhông cheăng kâ.

Mâu kăn [o#, mâu lêng Khu lêng chu kum kuăn pơlê pêi cheăng kâ a tíu tơkăng kong

Jâ Mười tối ăm ‘nâi, kơnôm châ mô đo#i hnê mơhno kih thuât păn mơnăn mơnôa, hbrâ mơdât pơrea\ng, khu peâp [a\ ro re\ng kân.

‘’Rơpo\ng á to akố cho ối tung rơpo\ng kơtiê, mâu ngoh peăng Khu lêng cheăng kâ đi đo chu kum. Hơnăm hdrối mâu ngoh chu bruô ăm rơpo\ng á ro, klêi mê troh khế 5 hơnăm 2017 pơtối chu ăm tơ’nôm 100 to peâp hdrê, 500 kilô báu, klêi mê, chu ăm tá kơdroăng păn há. Troh nôkố păn châ 6 khế, peâp hiăng kân la ngiâ kô kơtâ; ro mê xuân hbrâ vâ ai kuăn xua mê hơnăm la ngiâ rơpo\ng á pêi lo liăn tơ’nôm xuân chía hôm há. Mơni môi, péa hơnăm nếo rơpo\ng chôa ‘lâng kô mơdrếo tâi liăn che\n, [a\ hluăn ing tơdroăng ki pá puât’’.

Hên túa pêi plâi kâ hiăng kum kuăn pơlê tíu tơkăng kong hluăn ing kơtiê

Môi tiah mê, rơpo\ng pôa Trần Văn Thanh ối a thôn 2 cheăm tíu tơkăng kong Ia R’vê, tơring Ea Sup xuân châ Khu lêng cheăng kâ – cheăng lêng 737 to\ng kum 11 pú pái hdrê. Ing kơxo# pu pái apoăng, kơnôm rak ngăn tơtro troh nôkố khu pú pái hiăng hên châ lối 40 to, liăn păn pu pái chiâng kơxo# liăn pêi lo xiâm dêi rơpo\ng.

‘’Hơnăm 2015, rơpo\ng á ối tung rơpo\ng kơtiê, châ tơmâng to\ng kum dêi Khu lêng cheăng kâ, mâu khu râ hiăng to\ng kum pu pái hdrê kăn ăm mâu rơpo\ng kơtiê tung mê ai rơpo\ng á. Tung tơdroăng păn vâ chê 2 hơnăm hiăng hluâ, pu pái hiăng ai kuăn châ 40 to, pêi lo liăn ing păn pu pái rêm hơnăm sap 80 – 100 rơtuh liăn.

Á tâ tơdroăng to\ng kum dêi đông [a\ mâu khu râ kơvâ cho pơxúa khât, gá kum rơpo\ng á troh nôkố hluăn ing kơtiê’’.

Túa păn peâp kong hiăng châ tơ-[rê cheăng kâ ăm kuăn pơlê a tíu tơkăng kong Dak Lak

Ia Lốp [a\ Ia Rvê cho 2 cheăm tíu tơkăng kong, pá puât má môi dêi tơring Ea Súp, kong pơlê Dak Lak. Péa cheăm ai dâng 7.500 rơpo\ng [a\ lối 15 rơpâu pơ’leăng mâ mơngế, ối tung 30 hdroâng nho\ng o rơtế rêh pêi cheăng.

Mơhé châ Đảng [a\ Tơnêi têa plâ hơnăm tơmâng mơ’no liăn cheăng, laga xua tơnêi ôh tá hơpok le\m, hyôh kong prâi ôh tá tơniăn le\m xua mê tơdroăng cheăng kâ rêh ối pơlê pơla hrá mơnhông. Jâ Trần Lệ Thủy, Kăn pơkuâ hnê ngăn cheăng Đảng cheăm Ia Rvê, tơring Ea Súp tối ăm ‘nâi, mâu túa păn mơnăn mơnôa, pêt tơmeăm khoăng xua Khu lêng cheăng kâ 737 po rơdâ hiăng kum ăm kuăn pơlê mơnhông cheăng kâ, xăm kơklêa kơdroh kơtiê.

‘’Khu lêng cheăng kâ 737, ối tung Kuân khu V hiăng to\ng kum cheăm hên ing mâu túa môi tiah: ro hdrê, păn peâp, kơdrum plâi kâ, rơtế amê cho mơjiâng hngêi tuăn pâ tíu tơkăng kong, [ơrô khăm pơlâ khu lêng kuăn pơlê ki tơru\m, ki rơhêng vâ tối cho kum o troh hngêi trung. Ing tơdroăng pêi dêi Khu lêng cheăng kâ 737 kum ăm khu râ kăn pơkuâ cheăm ‘na mâu tơdroăng pá puât mê vâi krâ xuân hmiân tuăn rêh ối cheăng kâ, mơ-eăm pêi cheăng kâ vâ tơniăn tơdroăng rêh ối a kơpong tíu tơkăng kong’’.

Vâ kum kuăn pơlê a péa to cheăm tíu tơkăng kong tíu pro đông, mâu hơnăm hiăng hluâ, Khu lêng cheăng kâ – Khu lêng 737 hiăng tơru\m [a\ khu râ kăn pơkuâ cheăm, khu râ kăn hiăng ăm muih kong xing xoăng ăm tơnêi ối, tơnêi pêi chiâk deăng ăm lối 2.600 rơpo\ng; mơjiâng 37 hngêi tuăn pâ kơnâ 2,6 rơtal liăn; mơjiâng, rơnêu 10 tơmeăm rơchôa hno têa, tơniăn bê têa rơnó tô vâ tôh ăm 500 ha loăng plâi; hdrê pêt, mơnăn păn, phon rơvât ăm hr^ng rơpo\ng mơnhông mâu túa păn mơnăn mơnôa.

Pak^ng mê, Khu kăn hnê mơhno, khăm pơlât, xing xoăng pơkeăng tê kơtê ăm vâ chê 7.400 roh ngế; tơku\m po lăm kơ-êng mâu rơpo\ng ai hnoăng tơnêi têa, rơpo\ng kơtiê klăng roh leh, têt [a\ hía hé.

Đăi tă Ngô Minh Điền, Chính ủy Khu cheăng kâ – Khu lêng 737 tối ăm ‘nâi tung la ngiâ, đông lêng kô pơtối po rơdâ hên tâ mê nếo mâu túa cheăng kâ vâ to\ng kum kuăn pơlê hluăn ing kơtiê, tơniăn tơdroăng rêh ối.

‘’Troăng hơlâ hơnăm la ngiâ má môi cho: pơtối po rơdâ, pêi pro mâu túa; pơtâng tối to\ng kum kuăn pơlê kih thuât vâ thăm pêi chiâk deăng, pêi tiô mâu túa pêt hdrê, păn mơnăn ki đông po rơdâ châ tơ-[rê. Má péa nếo, cho: Pơtối pêi tơdroăng khu lêng tơdjuôm ivá mơjiâng thôn pơlê nếo vâ tơniăn 100% mâu rơpo\ng kuăn pơlê a péa cheăm tíu tơkăng kong ôh tá ai rơpo\ng kơklêa; pơtối tơru\m [a\ cheăm ing kố troh hơnăm 2021 cho mơ-eăm kum rơpo\ng kơtiê chu pá kơdâm 40%’’.

Chiâng vâ mơnhên, mâu túa pêi cheăng kâ châ Khu lêng cheăng kâ – Khu lêng 737 po rơdâ tung mâu hơnăm hiăng hluâ hiăng kum hên khât tung tơdroăng xăm kơklêa, kơdroh kơtiê dêi mâu cheăm a kơpong tíu tơkăng kong dêi kong pơlê Dak Lak.

Tuấn Long chêh

A Sa Ly tơplôu [a\ tơbleăng