To lâi khế kố, Ko\ng ti pêi cheăng tiô rơnó kơphế Ea Sim (Khu xiâm Ko\ng ti kơphế Việt Nam) a cheăm Ea Ktur, tơring C|ư Kui`, kong pơlê Dak Lak trâm pá xua tro tơdjâk ó dêi pơreăng Covid-19. Pơla kố a mâu hơnăm hdrối nah, ko\ng ti hiăng tê dêi vâ tâi kloăng kơphế ki rôe tung hơnăm, la hơnăm kố bú tê iâ tê, yă hlối rơpâ. Kơxo# liăn ‘no apoăng, liăn khế ăm ko\ng nhân kâ hiăng pá thăm rế pá tâ drêng kơxo# liăn che\n hngêi rak liăn 13 rơtal liăn hlối hiăng troh khế hơnăm tơvêh tung dế măng t^ng khế 4/2020.

Mơhúa ai Ngế pro xiâm hnê ngăn Chin phuh pơkâ kơxo# 11/CT-TTg, ai pơkâ khế 3 kố nah, kum pro kơdroh ki xahpá tung pêi pro tê mơdró. Klêi mê, Hngêi rak liăn Tơnêi têa Việt Nam ai hlá mơ-éa kơxo# 01 pơkâ nhên tơdroăng ‘mâi hơ’leh pro mơdon iâ khế hơnăm tơvêh che\n, ki ‘na ôh tá êa tơvêh, kơdroh liăn rơkâ, liăn nâp, kơjo kum mơngế ki mung chiu tơdjâk pơreăng Covid-19. Pôa Lê Hải Hùng, Ngế xiâm cheăng ngăn ‘na liăn dêi ko\ng ti ăm ‘nâi:

‘’Má môi cho tơmeăm ôh tá châ tê, pro mơdon tu\m tơdroăng cheăng. Má péa, kơphế pêi lo yă tê rơpâ luâ tâ yă ki pơkâ, pá khât ‘na tơdroăng pơkuâ ngăn pêi pro [ă tơdroăng cheăng ‘na liăn ngân. Hlo tơdroăng ki xahpá kố, hngêi rak liăn hiăng ‘no tâi ivá pro tơ’lêi hlâu ăm khu mơdró tối tơchoâm, Ko\ng ti kơphê Ea Sim tôi krê. Nếo ai luât pơkâ to\ng kum dêi tơnêi têa, nếo kơjo kum dêi peăng hngêi rak liăn, Khu mơdró xuân kơdroh ki pá puât ‘na liăn ngân’’.

Kăn [o# hngêi rak liăn troh a tíu vâ kơjo kum khu mơdró pro hồ sơ

Ôh tá tơ’lêi hlâu [ă mơhúa môi tiah Ko\ng ti kơphế Ea Sim, hên khu mơdró a Dak Lak xuân tro tơdjâk troh ‘na pơreăng Covid-19 tâ tú drêng thế kl^ng péa, pơtê pêi pro, tê mơdró thế kl^ng péa, pơtê pêi pro, tê mơdró la pá vâ châ xúa luât pơkâ to\ng kum. Pôa Lê Văn Hạnh, Ngế xiâm pơkuâ ko\ng ti veăng tơlo liăn rôe tơnêi, hngêi trăng [ă mơjiâng tơmeăm khoăng An Hạnh, pơlê kong kơdrâm {uôn Ma Thuột, ăm ‘nâi, sap ing klêi kơ’nâi Têt (riân tiô mâ khế) ko\ng ti hiăng pơtê cheăng xua tơdjâk dêi pơreăng. Tâi tâng lối 40 ngế pêi cheăng thế pơtê cheăng, mơngế pêi cheăng dêi [ơrô pơtê troh 60%. Ki xahpá tơvâ tơvân drêng kơxo# liăn che\n dêi hngêi rak liăn tâk troh vâ chê 30 rơtal liăn hâi teăm tơvêh.

Mâu hâi ki kố, pôa Hạnh dế tơku\m pro klêi hồ sơ vâ xúa kơxo# liăn kơjo kum dêi tơnêi têa. Laga, tung pơla péa hngêi rak liăn pro tơ’lêi hlâu kum, mê tơdroăng pro hlá mơ-éa mê tơvâ tơvân a mâu kăn kong pơlê.

‘’Hngêi rak liăn ngân xuân pơkâ tê mơdró pro hồ sơ vâ kơjo kum liăn tơkâ ăm ko\ng ti. La troh a kong pơlê mê vâi ôh tá ‘nâi nhên, vâ ăm ko\ng ti mơjiâng hngêi trăng, tê tơmeăm khoăng la drêng tối ăm kong pơlê k^ mơnhên. La vâ kong pơlê ai k^ mơnhên lơ ôh mê thế tơkôm veăng tơmâng dêi mâu kăn kong pơlê hngêi rak liăn, mâu kơ koan khu râ pơkuâ cheăng’’.

Hlá mơ-éa ‘’pâ to\ng kum‘’ dê hngêi rak liăn pơtroh kong pơlê Dak Lak vâ tăng troăng pro kơdroh xahpá

Mơngế ki mung vâ mung, hngêi rak liăn ăm, la tơvâ a mâu kăn kong pơlê, tơring cho tơdroăng ki pá tơchoâm dêi Hngêi rak liăn pêi chiâk deăng [ă mơdêk thôn pơlê kơvâ Peăng kơnho\ng Dak Lak trâm pá tung pơla tơbleăng kơjo kum mâu ngế ki mung tro tơdjâk xua pơreăng Covid-19. Tiô pôa Bùi Đình Đức, ngế pơkuâ kơvâ hngêi rak liăn, cho tíu pêi cheăng ai tâi tâng kơxo# liăn che\n dâng 9.000 rơtal liăn [ă dâng 35.000 ngế mung.

Rôh apoăng, hngêi rak liăn séa ngăn dâng 1.000 rơtal liăn ối che\n tro tơdjâk [ă tâi tâng kơxo# liăn ối che\n tro tơdjâk xua pơreăng drêng riân klêi kô tâk troh 5.000 rơtal liăn. Tung hồ sơ chêh kơjo kum ăm mơngế ki mung kal thế k^ mơnhên dêi mâu kăn cheăm bêng. La hên ngế mâu kăn cheăm, bêng ôh tá vâ k^ mơnhên. Tơkéa vâ tối mơngế ki mung ôh tá châ kơjo kum.

Tiô pôa Bùi Đình Đức, vâ tah ki tơvâ tơvân mê, kal thế ai pơkâ hnê mơhno dêi mâu kăn sap ing râ kong pơlê troh tơring, cheăm:

‘’Mơngế ki mung tro tơdjâk mê hngêi rak liăn ti lâi ôh tá tro tơdjâk. Xua mê, tơdroăng kố ngin hiăng ai hlá mơ-éa hnê tối hngêi rak liăn tơnêi têa thế Vi [an kong pơlê hnê mơhno rêm râ kăn kong pơlê. Pro ti lâi vâi thế mơ-eăm tâ nếo, tơdrêng [ă hngêi rak liăn k^ hồ sơ mung liăn [ă pro re\ng tơdroăng kơjo kum mâu khu mơdró kâ tung lâp kong pơlê’’.

Pôa Nguyễn Kim Cương, Kăn pho\ hnê ngăn Hngêi rak liăn Tơnêi têa Việt Nam kong pơlê Dak Lak ăm ‘nâi, klêi Hngêi râk liăn Tơnêi têa ai pơkâ luât 01, hngêi rak liăn kố hiăng tơbleăng troh tâi tâng mâu tíu tung kong pơlê. Tơdroăng tơbleăng kơjo kum châ pêi pro tơdâng tơ’mô tung 3 tơdroăng: Pro mơdon khế hơnăm tơvêh che\n, ôh tá êa xo liăn tơkâ ki mung [ă ăm mung liăn tơkâ iâ. Tiô riân ngăn troh mơ’nui khế 3, tâi tâng kơxo# liăn mơngế ki mung che\n xua tro tơdjâk pơreăng Covid-19 tung kong pơlê ai lối 3.100 rơtal liăn. 

Tung mê, to mâu khu mơdró ki tro tơdjâk dâng 2.100 rơtal liăn. Tung mê, krê to mâu khu mơdró tro tơdjâk dâng 2.100 rơtal liăn, tơku\m hên a mâu tơdroăng pêi chiâk pêt loăng mơjiâng kong, ‘na tê mơdró hngêi trăng tơnêi tíu, tê mơdró ‘ngé,  lăm ối pơtân, kâ ôu, chơ tơmeăm. Kơxo# ki mê hâi tối tâi ki  khât kơxo# ki ối che\n dêi mơngế ki mung cho khu mơdró tro tơdjâk tung kong pơlê. Tung pơla mê, tơdroăng pơreăng tâ tú châ tơbleăng ối pá, [ă mơdon.

Hngêi rak liăn Tơnêi têa Việt Nam kong pơlê Dak Lak kô pơtối hnê mơhno mâu hngêi rak liăn tê mơdró pêi pro kơtăng tơbleăng kum ăm mơngế ki mung hlối vâ tơniăn teăm tơdrêng, hlối vâ tơniăn tro mơngế, ví ki lơ hriăn pro pơxúa ing luât pơkâ to\ng kum:

‘’Pak^ng tơdroăng tơbleăng luât pơkâ to\ng kum pêi pro tro mâu luât pơkâ mê hngêi rak liăn Tơnêi têa Việt Nam a Dak Lak kô tơbleăng pơkâ séa ngăn troh mâu tơru\m cheăng ăm mung liăn. Vâ hlối pêi pro ai tiô pơkâ kơjo kum kuăn pơlê, khu mơdró, la xuân ví tơdroăng ki pêi pro tơdroăng mê lơ hriăn vâ tăng kâ xêh’’.

Môi luât pơkâ ki tro, châ tâi tâng khu mơdró [ă hngêi rak liăn vâ pêi pro la tung pơla pêi pro trâm hên xahpá drêng ai vâ môi tuăn, tơdâng tơ’mô [ă mâu kăn kong pơlê, tơring cheăm. Xua mê, vâ luât pơkâ kô châ pêi pro trâu rơdâ, kum khu mơdró a kong pơlê tơkâ luâ xahpá, cho kal veăng tơmâng dêi mâu kăn.

            Công Bắc chêh

Gương tơplôu [ă tơbleăng