VOV4.Sêdang - Mâu ngế kong têa ê rêh ối tro tiô luât a Việt Nam châ pơkâ tơniăn tơdroăng loi tĭng tiô khôp tro tiô luât pơkâ dêi Luât loi tĭng tiô khôp”. Kố cho mơhno tơdroăng ki Ngế xiâm phŏ, Ngế xiâm ngăn ‘na mơngế pêi cheăng, Ngế xiâm ngăn ‘na loi tĭng tiô khôp cheăng tung Chin phuh, pôa Vũ Chiến Thắng a rôh trâm mâ mâu ngế kong têa ê ki loi tĭng tiô khôp Việt Nam, châ Khu ngăn tơdroăng tiô khôp dêi Chin phuh tơkŭm po kơxo lơ 27/4, a Hà Nội.

Veăng leh trâm mâ ai mâu ƀok, jâ chĭng, teăng mâu mâu khu ki ngăn ‘na tơdroăng khôp tơkŭm dêi mâu kong têa ê, Khu ngăn tơdroăng khôp rơtế ƀă mâu kăn teăng mâ mâu khu xiâm, kơvâ cheăng, khu ngăn tơdroăng khôp kong pơlê. A rôh trâm mâ mâu kăn hiăng ngăn mâu um xup tối ‘na tơdroăng loi tĭng tiô khôp, tơdroăng khôp a Việt Nam; tơmâng mâu ngế tối tơbleăng ai tơbleăng mâu tơdroăng ki kal dêi luât loi tĭng tiô khôp, luât mot lo lăm rêh ối tơnêi têa, tơdroăng pêi pro ‘na tơbleăng mơ’no tơdrêng ‘na loi tĭng tiô khôp...

Ing mê, púi vâ mơngế kong têa ê ki tiô khôp dế tơkŭm rêh ối a tơnêi têa pin hlê plĕg nhên luât loi tĭng tiô khôp, hnoăng ki pơxúa ƀă ki chiâng tơniăn loi tĭng tiô khôp dêi mơngế kong têa ê ki rêh ối tro luât a Việt Nam.

Gương tơplôu ƀă tơleăng