VOV4.Xơ Đăng - Kơxo lơ 20/4, Khu xiâm ngăn cheăng pêi mố đô̆i rong ƀă pơlê pơla tơrŭm ƀă Khu tơrŭm Tơdroăng cheăng kong têa ê tơkŭm po Rôh hôp ‘’Mơnhên tối 10 hơnăm pêi pro troăng hơlâ tŏng kum rêh ối pơlê pơla Việt Nam hneăng hơnăm 2012 – 2022 – Troăng pơkâ ƀă tơdroăng tá hâi pơkâ’’. Tối tơbleăng a rôh hôp tơpui tơno: Klêi kơ’nâi 10 hơnăm pêi pro tơdroăng pơkâ 15 dêi Khu pơkuâ ngăn Tíu xiâm Đảng, hnoăng cheăng rak tơniăn tŏng kum rêh ối pơlê dế kal châ hên tơdroăng pêi pro ki kal.

Tâ tá rôh hôp

Mâu troăng hơlâ tŏng tŏng kum rêh ối pơlê pơla dế rế hía rế châ xúa tiô troăng ngăn tung hnoăng châ tŏng kum dêi kuăn pơlê. Hnoăng dêi vâi kơdrâi, vâi hdrêng, mâu ngế hơnăm hiăng hên, mâu ngế chó chêng tơvê kŏng ƀă mâu ngế ki ôh tá ai ivá châ rak ngăn tro tâ. Tung 10 hơnăm hdrối nah, rêm hơnăm tung lâp tơnêi tŏng kum tơdroăng ki kum liăn môi hdroh ăm 6 troh 8 rơpâu ngế ki ai hnoăng ƀă kăch măng ƀă nôkố lâp tơnêi ai lối 1,3 rơtuh ngế ai hnoăng châ kâ liăn rêm khế. Rêm hơnăm kum cheăng pêi tung tơnêi têa ăm 1,5 rơtuh ngế cheăng.

Katarina Nga tơplôu ƀă tơbleăng