Pêi pro tiô Tơdroăng mơjiâng bro 1.200 toăng hngê tơrŭm diâp ăm mâu rơpŏng kơtiê, rơpŏng ki ôh tá ai hngêi ối a kong pơlê Dak Lak dêi Khu xiâm ngăn Kŏng an, ing apoăng hơnăm 2024, kŏng an mâu tơring, pơlê kong krâm ƀă pơlê kong kơdrâm Ƀuôn Ma Thuột hiăng pro 807 toăng hngêi tơrŭm. Troh nôkố ai 270 toăng hngêi hiăng bro klêi, pơcháu vâ mâu rơpŏng ối. Kơxô̆ liăn bro rêm toăng hngêi cho 80 rơtuh liăn, tung mê Khu xiâm ngăn Kŏng an kum 50 rơtuh, kơxô̆ liăn ki u ối cho xua Kŏng an kong pơlê Dak Lak ƀă mâu cheăm tơring mơhnhôk mâu kŏng an cheăm, mâu rơpŏng veăng tơlo tơ’nôm ivá hnoăng pêi.

Nôkố, Kŏng an kong pơlê Dak Lak dế hnê mơhno kŏng an mâu cheăm rĕng pro, séa ngăn kơtăng vâ bro mâu hngêi ki u ối rak vế dâi diâp ăm mâu rơpŏng hdrối hâi lơ 30/10/2024 tro tiô tơdroăng hnê mơhno dêi Khu xiâm ngăn Kŏng an”.

­