VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa nếo pơkâ ăm hdrê loăng plâi xo ing xiâm tơnêi têa ‘măn kơdĭng vâ kum kong pơlê Ninh Thuận. Mê cho, Khu xiâm ngăn ‘na chiâk deăngƀă mơnhông thôn pơlê ăm (ôh tá xo liăn) 258 tâ̆n hdrê báu, 5 tâ̆n hdrê alâi xo ing tíu xiâm ‘măn kơdĭng kum ăm kong pơlê Ninh Thuận vâ kum ăm kuăn pơlê tơkâ luâ xơpá xua kong prâi pro ôh tá tơniăn hơnăm 2021.

Khu xiâm ngăn ‘na chiâk deăng ƀă mơnhông thôn pơlê, khu xiâm ngăn liăn ngân  tơleăng mơnhên tro tiô pơkâ; chiu pôu hnoăng cheăng ‘na ăm ‘nâi mâu tơdroăng ƀă kơxô̆ ti tơbleăng. Vi ƀan hnê ngăn kong pơlê Ninh Thuận chiu riân ngăn nhên mâu kơxô̆ tơbleăng ƀă teăm tŏng kum tơdrêng, tro mơngế tro tiô pơkâ.

Gương tơplôu ƀă tơbleăng