Pôa Lê Minh Khái, Ngế pro xiâm phŏ hnê ngăn tơnêi têa nếo kĭ mâu pơkâ xing xoăng phái ing kơxô̆ liăn ‘măn kơdĭng dêi tơnêi têa ăm 5 kong pơlê: Tuyên Quang, Trà Vinh, Dak Nông, Quảng Bình, Nghệ An tung roh Têt Lo hơnăm nếo Quý Mão ƀă drêng tá hâi troh rơnó pôe xo báu hơnăm 2023. Tung mê, kong pơlê Trà Vinh lối 1.560 tâ̆n, kong pơlê Nghệ An lối 1.325 tâ̆n, kong pơlê Dak Nông 332 tâ̆n, kong pơlê Quảng Bình 1.240 tâ̆n vâ tŏng kum kuăn pơlê klăng roh Têt Lo hơnăm nếo Quý Mão hơnăm 2023.

Pakĭng mê, kong pơlê Dak Nông ối châ xing xoăng lối 400 tâ̆n phái vâ tŏng kum kuăn pơlê tung pơla tá hâi tá hâi troh rơnó pôe xo báu hơnăm 2023. Ngế pro xiâm phŏ hnê ngăn tơnêi têa pơkâ Khu xiâm pơkuâ liăn ngân, Khu xiâm pơkuâ cheăng pêi – Mô đô̆i rong râ ƀă Rêh ối pơlê pơla tơleăng inhên tiô pơkâ; pôu râng hnoăng cheăng ‘na tơdroăng ƀă tơdroăng chêh tơbleăng.

Vi ƀan 5 kong pơlê châ xing xoăng phái rơnó pôu râng hnoăng cheăng ‘na ki tơtro dêi tơdroăng chêh tơbleăng ƀă pêi pro tŏng kum teăm tơdrêng, tro mơngế, tro pơkâ tiô pơkâ.